27.11.2024 | 21:44
ՀՀ ԱԳՆ-ն՝ ԵՏՄ նիստը Սանկտ Պետերբուրգում անցկացնելու մասին
Կորոնավիրուսի դեմ պատվաստվածներին թույլ կտան մուտք գործել ԵՄ
Քաղաքականություն
26.04.2021 | 14:10
Դեղերի եվրոպական գործակալության (ЕМА) կողմից հաստատված կորոնավիրուսի դեմ պատվաստանյութերով պատվաստված զբոսաշրջիկները կկարողանան մուտք գործել Եվրամիություն, հայտնել է Եվրահանձնաժողովի ղեկավար Ուրսուլա ֆոն դեր Լյայենը։
«Պարզ է մի բան․ ԵՄ բոլոր 27 անդամ երկրները անխոս կընդունեն բոլոր նրանց, ովքեր պատվաստված են EMA-ի կողմից հաստատված պրեպարատներով»,- հայտարարել է ֆոն դեր Լյայենը New York Times-ին տված հարցազրույցում։
Եվրահանձնաժողովի ղեկավարը չի հայտնել, թե երբ հնարավոր կլինի վերսկսել ճամփորդությունները և այլ մանրամասներ։
Հրատարակչությունը նշում է, որ ԵՄ առանձին պետություններ դեռևս կարող են իրենց իրավունք վերապահել ավելի խիստ սահմանափակումներ մտցնել: Մասնավորապես, որոշ երկրներ կարող են թույլ չտալ ԵՄ-ից դուրս գտնվող պետությունների քաղաքացիներին այցելել միություն կամ կարանտին մտցնել նույնիսկ պատվաստման վկայական ունեցող մարդկանց համար:
Հավելենք, որ այսօրվա դրությամբ ԵՄ-ում գրանցված է կորոնավիրուսի դեմ 4 պատվաստանյութ՝ Pfizer / BioNTech, Moderna, AstraZeneca և Johnson & Johnson ընկերություններինը։
Տաթև Ֆռանգյան
