25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Գազայի հատվածից հրթիռներ են արձակվել Իսրայելի ուղղությամբ
Քաղաքականություն
26.04.2021 | 11:38
Գազայի հատվածից պաղեստինցի արմատականները երեք հրթիռ են արձակել Իսրայելի ուղղությամբ, որոնցից երկուսը խոցվել են Իսրայելի հակաօդային պաշտպանության համակարգերի կողմից: Այս մասին երկուշաբթի օրը հայտարարել է իսրայելական բանակի մամուլի ծառայությունը, գրում է ՏԱՍՍ-ը:
«Այս պահին ահաբեկիչների կողմից Գազայի հատվածից երեք հրթիռ է արձակվել դեպի Իսրայել. երկու հրթիռը խոցվել է «Երկաթե գմբեթ» հակաօդային պաշտպանության համակարգերի կողմից, հրթիռներից մեկը պայթել է Գազայում», – հայտնել են իսրայելցի զինվորականները:
Ապրիլի 24-ի գիշերը տեղի է ունեցել 2020 թվականի փետրվարից ի վեր Իսրայելի վրա ամենահզոր հրթիռային հարձակումը, երբ մեկ օրում Գազայից արմատականները մոտ 80 հրթիռ են արձակել հրեական պետության ուղղությամբ: Մի քանի ամիս դադարից հետո Գազայի հատվածից հրթիռային հարձակումները վերսկսվել էին անցյալ տարվա վերջին:
Տաթև Ֆռանգյան
