Օսկար-2021․ «Քոչվորների երկիրը»՝ լավագույն ֆիլմ, Քլոե Չժաոն՝ լավագույն ռեժիսոր

Լոս Անջելեսում տեղի է ունեցել  Օսկարի 93-րդ մրցանակաբաշխությունը:

«Քոչվորների երկիրը» արժանացել է Օսկարի «Լավագույն կինոնկար» անվանակարգում, իսկ ֆիլմի ռեժիսոր Քլոե Չժաոն ՝ «Ոսկե արձանիկ» մրցանակի ՝ «Լավագույն ռեժիսոր» անվանակարգում, տեղեկանում ենք The Academy-ի թվիթերյան էջից:

Նա դարձել է Միացյալ Նահանգներում ազգային փոքրամասնության ներկայացուցիչ առաջին կինը, որը «Օսկար» է ստացել լավագույն ռեժիսոր կոչման համար, և այս անվանակարգում երկրորդ կինը, որը «Օսկար» է ստացել: Առաջինը Քեթրին Բիգելոուն էր, որը այս մրցանակին էր արժանացել 2009 թ.-ին։

«Քոչվորների երկիրը» պատմում է մի այրի կնոջ մասին, որը որոշել է ապրել ֆուրգոնով՝ ճանապարհորդելով Ամերիկայով: Գլխավոր հերոսին մարմնավորած Ֆրենսիս Մակդորմանդը Օսկար է ստացել «Լավագույն դերասանուհի» անվանակարգում։ Այսպես «Քոչվորների երկիրը», ստանալով կինոակադեմիայի գլխավոր մրցանակները, դարձել է «Օսկարներ» -2021-ի հաղթողը։

«Օսկար»՝ լավագույն տղամարդու դերի համար, բաժին է հասել 83-ամյա Էնթոնի Հոփքինսին՝ «Հայր» ֆիլմում մարմնավորած կերպարի համար։ Սըր Էնթոնի Հոփքինսը դարձել է պատմության մեջ ամենատարեց դերասանը, որը գլխավոր դերի համար ստացել է Օսկար։

Եվ այսպես՝ «Օսկարի մրցանակակիրներն են․
Լավագույն ռեժիսոր ՝ Քլոե ՉԺաո («Քոչվորների երկիր»)
Լավագույն ֆիլմ՝ «Քոչվորների երկիրը»
Լավագույն դերասանուհի ՝ Ֆրենսիս Մակդորմանդ, «Քոչվորների երկիր»
Լավագույն դերասան ՝ Էնթոնի Հոփքինս («Հայր»)
Երկրորդ պլանի լավագույն դերասան. Դանիել Կալույա (Հուդան և Սև Մեսիան)
Երկրորդ պլանի լավագույն դերասանուհի ՝ Յուն Յո-Ջոն («Մինարի»)
Լավագույն օտարալեզու ֆիլմ՝դանիացի ռեժիսոր Թոմաս Ուինթերբերգի «Եվս մեկական» ֆիլմը
Լավագույն օրիգինալ սցենար. Էմերալդ Ֆենել «Հուսադրող աղջիկը»
Լավագույն կարճամետրաժ ֆիլմ՝ «Երկու հեռավոր օտարները»
Լավագույն անիմացիոն կարճամետրաժ ֆիլմ՝ «Եթե ինչ-որ բան պատահի, ես ձեզ սիրում եմ»
Լավագույն անիմացիոն ֆիլմ ՝ ՀոգիԼավագույն վավերագրական կարճամետրաժ՝ «Կոլետ»
Լավագույն վավերագրական ֆիլմ՝ «Իմ ուսուցիչ-ութոտնուկը»