19.05.2026 | 14:44
Եկեք, էս մարդուն բոլորով ճամփեք, էս մարդը ադեկվատ չի․ Նարեկ Կարապետյանը՝ Փաշինյանի մասին․ ՏԵՍԱՆՅՈՒԹ
Ավագանու նիստի միջադեպի կապակցությամբ ոստիկանություն է դիմել նաև քաղաքապետարանը
Հասարակություն
14.02.2018 | 15:15
Երեկ Երևանի ավագանու նիստում տեղի ունեցած ծեծկռտուքի կապակցությամբ Ոստիկանություն երկու հաղորդում է ստացվել։ Մեկը ծեծի ենթարկված կողմի՝ «Երկիր Ծիրանի» խմբակցությունից, մյուսը՝ Երևանի քաղաքապետարանից։
Երևանի քաղաքապետարանի հասարակայնության և լրատվության հետ կապերի վարչության պետ Արթուր Գևորգյանից հետաքրքրվեցինք՝ ծեծի համա՞ր են դիմել, թե՞ տարաների պարունակության հետ կապված կասկածներ ունեին: Նա, սակայն, չառանձնացրեց՝ պատասխանելով, որ ընդհանուր միջադեպի հետ կապված հաղորդում են ներկայացրել։
Իսկ «Երկիր Ծիրանին», հիշեցնենք, պահանջել էր պատասխանատվության ենթարկել նաև Տարոն Մարգարյանին․ «ՀՀ քրեական դատավարության օրենսգրքի 27-րդ հոդվածի համաձայն` հետաքննության մարմինը, քննիչը, դատախազը պարտավոր են իրենց իրավասության սահմաններում քրեական գործ հարուցել հանցագործության հատկանիշներ հայտնաբերելու յուրաքանչյուր դեպքում, օրենքով նախատեսված բոլոր միջոցառումները ձեռնարկել հանցագործություն կատարած անձանց և հանցագործության, ինչպես նաև դրա կատարման հանգամանքները բացահայտելու համար:
Հիմնվելով վերոգրյալի վրա` խնդրում եմ ՀՀ քրեական դատավարության օրենսգրքի 181-182-րդ հոդվածների կարգով հարուցել քրեական գործ»,- ասված էր «Երկիր Ծիրանիի» հաղորդման մեջ:
Լիլիթ Շաբոյան
