16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Հայրենիքի պաշտպանների քոչարին․ բացվել է Զինվորի տան պրոթեզավորման կենտրոնը․ ՏԵՍԱՆՅՈՒԹ
Քաղաքականություն
23.04.2021 | 21:43
Զինվորի տունն ընդլայնվում է։ Աբովյան 58 հասցեում արդեն կգործի նորաբաց պրոթեզավորման կենտրոն, որ հայրենիքի պաշտպաններն իրենց ավելի պաշտպանված զգան։
3 տարում շուրջ 3․000 հայրենիքի պաշտպան է ապաքինվել վերականգնողական կենտրոնում։ «Հայաստան» համահայկական հիմնադրամի տնօրենը վստահեցնում է՝ կշարունակեն ֆինանսավորել։ 28 տղաները պրոթեզավորվել են մինչև պրոթեզավորման կենտրոնի բացումը՝ Նիդերլանդներից եկած մասնագետի օգնությամբ։
Տիգրան Դանիելյանը Գյումրիից է, ոստիկանական զորքերից։ Հոկտեմբերի 4-ին Շուշիում է վիրավորվել, մեկ շաբաթ է, ինչ քայլում է, ասում է՝ հեշտությամբ։
Գյումրեցի է նաև Հարություն Մկրտչյանը։ 25-ամյա պայմանագրային զինծառայողը վիրավորումը Իշխանաձորի հատվածում է ստացել, ոտքն ամբողջությամբ կորցրել է։ 1 ամիս է՝ Զինվորի տանն է ապրում․ ասում է՝ սպասվածից ավելի արագ է ապաքինվում։
Հայրենիքի պաշտպանի վերականգնողական կենտրոնում արդեն չի մնում, բայց ամեն օր գալիս է ծնունդով Արցախից ժամկետային զինծառայող Սարգիս Հարությունյանը։ Դեռ փորձում է հարմարվել պրոթեզին ու կյանքի նոր կանոններին։
Հետո վստահեցնում է՝ կհարմարվի ու շատ արագ, մյուս ընկերների հետ ու նրանց պես։ Մյուս ընկերների հետ ու նրանց պես մոտ ապագայում նաև քոչարի կպարի։
Մանրամասները՝ տեսանյութում։
Իրինա Մկրտչյան
