17.09.2026 | 13:36
Մեղրիի քաղաքապետը, լինելով ՔՊ-ական, ժողովրդի հանքից թալան ա անում, բա էդ հարցը տվեք․ Վարդևանյան․ ՏԵՍԱՆՅՈՒԹ
Հայկական կողմն ակնկալում է հզոր բանակ հիմնել Ռուսաստանի օգնությամբ․ Արմեն Գրիգորյան
Քաղաքականություն
23.04.2021 | 15:51
Հայկական կողմն ակնկալում է հզոր բանակ հիմնել Ռուսաստանի օգնությամբ, «ՌԻԱ Նովոստի»-ին տված հարցազրույցում ասել է հանրապետության Անվտանգության խորհրդի քարտուղար Արմեն Գրիգորյանը:
Նրա խոսքով՝ Երևանն արդեն հայտարարել է, որ Հայաստանի զինված ուժերում բարեփոխումները կիրականացվեն Ռուսաստանի օժանդակությամբ:
«Ըստ մեզ ՝ վերջին տասներկու տարվա ընթացքում Ռուսաստանի Զինված ուժերի բարեփոխումները ամենահաջողներից են. բանակի արդիականացումը և օպտիմիլացումը, արդյունավետության բարձրացումը, կառավարման ավտոմատացված համակարգի ներդրումը ու ժամանակակից զենքերը Ռուսաստանին օգնել են ունենալ աշխարհի ամենաուժեղ բանակներից մեկը: Համոզված ենք՝ Ռուսաստանի օգնությամբ մենք կանցնենք այս ճանապարհը և կստեղծենք հզոր հայկական բանակ », – ասել է Գրիգորյանը:
Նա պատասխանել է նաև այն հարցին, թե արդյոք Հայաստանը ժամանակակից զենք է գնելու և ումից:
«Զենքի վերաբերյալ ես կցանկանայի նշել, որ մենք ձեռք կբերենք լավագույն զենքերը, և դուք գիտեք, թե որ երկիրն է առաջատար այս ոլորտում: Միևնույն ժամանակ, մենք նախատեսում ենք հետագայում ակտիվորեն զարգացնել Հայաստանի ռազմարդյունաբերական համալիրը», – ասել է Գրիգորյանը։
Տաթև Ֆռանգյան
