19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
Երուսաղեմում զանգվածային բախումներ են գրանցվել հրեաների ու պաղեստինցիների միջև․ կան տասնյակ վիրավորներ
Քաղաքականություն
23.04.2021 | 13:33
Արևելյան Երուսաղեմում այս գիշեր զանգվածային անկարգությունների հետևանքով տուժել են տասնյակ մարդիկ, գրում է BBC-ն։
Բախումներ են գրանցվել աջ ծայրահեղական հրեա ակտիվիստների, պաղեստինցիների ու Իսրայելի ոստիկանների միջև։ Հարյուրավոր ազգայնական հրեաներ, «մահ արաբներին» վանկարկելով ուշ երեկոյան Դամասկոսյան դարպասների մոտ բախվել են պաղեստինցի ցուցարարների հետ։
Ոստիկանությունը փորձել է բաժանել բախվող կողմերին՝ կիրառելով լուսաձայնային նռնակներ ու արցունքաբեր գազ։ Կան բազմաթիվ ձերբակալվածներ։
Պաղեստինական «Կարմիր կիսալուսին» կազմակերպության տվյալների համաձայն՝ առնվազն 100 պաղեստինցի վիրավորվել է, որոնցից 21-ը հոսպիտալացվել է։
Հիշեցնենք՝ Երուսաղեմում իրավիճակը շարունակում է լարված մնալ արդեն մի քանի օր շարունակ։
Բանն այն է, որ Դամասկոսյան դարպասները Ռամադան ամսվա ընթացքում հավատացյալների համար ավանդական հավաքատեղի է, սակայն այս տարի Իսրայելն արգելել է հավաքները։ Իսկ Դամասկոսյան դարպասների աստիճանների մոտ երկաթե արգելապատնեշներ են տեղադրվել, որպեսզի թույլ չտան հավատացյալներին հավաքվել այնտեղ։
Տաթև Ֆռանգյան
