09.06.2026 | 00:17
Մարկո Ռուբիոն շնորհավորել է Փաշինյանին
Հրթիռակոծվել է Բաղդադում ամերիկյան ռազմաբազան
Քաղաքականություն
23.04.2021 | 12:24
Հինգշաբթի ուշ երեկոյան առնվազն երեք հրթիռ է ընկել Բաղդադի միջազգային օդանավակայանի տարածքում։ Այս մասին հայտնել են Իրաքի անվտանգության ծառայության ներկայացուցիչները, գրում է VOA-ն:
Տեղեկացվում է, որ հրթիռներն ընկել են օդանավակայանի այն տարածքի մոտ, որտեղ տեղակայված են ԱՄՆ ուժերը։ Ավերածությունների կամ զոհերի մասին ոչինչ չի հաղորդվում:
Իրաքի անվտանգության ուժերը հայտնաբերել և վնասազերծել են չկրակված հրթիռներ, որոնք տեղադրված են եղել չբնակեցվող տան տանիքում, որն օգտագործվել է հրթիռները արձակելու համար:
Հիշեցնենք՝ համանման գրոհ էր գրանցվել նաև ապրիլի 18-ին , երբ ավիահարված էր հասցվել Բաղդադի ռազմական օդանավակայանին, որտեղ տեղակայված էին ԱՄՆ պայմանագրայիններ։ Այդ ժամանակ գրոհի արդյունքում զոհվել էր երկու իրաքցի զինվոր։
Գրոհների համար պատասխանատվություն դեռևս ոչ մի խմբավորում չի ստանձնել, սակայն որոշ իրաքցի պաշտոնյաներ այս հարձակումները վերագրում են իրանամետ ուժերին։
Հավելենք, որ ԱՄՆ պաշտոնյաները մեղադրում են Իրանի կողմից աջակցվող աշխարհազորայիններին Իրաքում ամերիկյան օբյեկտների վրա պարբերական հրթիռային հարձակումների մեջ։
Տաթև Ֆռանգյան
