14.10.2026 | 19:03
Նախկին ՀՀԿ-ականներ, դաշինքներ՝ ՔՊ-ի հետ, թույլ մրցակցություն․ ի՞նչ սպասել Գեղարքունիքի ՏԻՄ ընտրություններից
ՊԵԿ-ը ընկել է պահնորդական ընկերությունների ետևից, որտեղ հսկայական չափերի հասնող չարաշահումներ կան. «Ժամանակ»
14.02.2018 | 08:47
«Ժամանակ» օրաթերթը գրում է.
«Մասնավոր պահնորդական ընկերությունները աստիճանաբար ընդլայնվում են և դառնում ավելի նախընտրելի, քան ոստիկանության պետական պահպանության ծառայությունը։ Ուշագրավ է, սակայն, որ մասնավոր պահնորդական ընկերությունների սեփականատերերը հիմնականում ոստիկանական համակարգից են, նախկին ոստիկաններ կամ այլ բարձրաստիճան պաշտոնյաներ։
«Գրիֆը», «Միհր»-ը, օրինակ, պատկանում են ԱԱԾ Սահմանադրական կարգի պահպանության և ահաբեկչության դեմ պայքարի գլխավոր վարչության նախկին պետ, գեներալ-լեյտենանտ Զավեն Նանյանին, ով Շիրակի նախկին մարզպետ Լիդա Նանյանի հարազատ եղբայրն է։ «Ալֆա Դելտան» կապվում է Գալուստ Սահակյանի որդու՝ Արման Սահակյանի անվան հետ:
«Ժամանակ»-ի տեղեկություններով, սակայն, ՊԵԿ-ը արդեն իսկ հասկացել է, որ պահնորդական ընկերությունները իրեն խաբում են, և նույն տեղեկությունների համաձայն՝ ստուգումներ է սկսել խոշոր պահնորդական ընկերություններում, որտեղ հսկայական չափերի հասնող չարաշահումներ կան»։
Առավել մանրամասն՝ թերթի այսօրվա համարում:
