08.09.2026 | 21:22
ՊՆ ՌՈ պետ Արամ Հովհաննիսյանն անցկացրել է ստուգատես
Հավելյալ արդյունք կստեղծվի, բայց թվերի հետ պետք է զգույշ լինել․ տնտեսագետը՝ տոները կրճատելու մասին. ՏԵՍԱՆՅՈՒԹ
Տնտեսություն
22.04.2021 | 21:32
Մենք այն հանրությունը չենք, որ կարողանանք մեզ թույլ տալ Ամանորին այդքան շատ տոնական օրեր ունենալ։ Factor TV-ի հետ զրույցում նման կարծիք հայտնեց տնտեսագետ Բագրատ Ասատրյանը։
Նա դրական է գնահատում Կառավարության առաջարկը՝ կրճատելու ամանորյա արձակուրդները։
«Մեր գերնպատակը մեր հասարակությանն աշխատասեր դարձնելն է, այդ առումով միայն ողջունում եմ այս կարգի լուծումները։ Բացի այդ, կարծում եմ՝ այդ տոներն ուղղակի սպառնալիք էին բնակչության առողջության համար։ Եթե վիճակագրությունը նայենք, այդ օրերին սիրտ-անոթային հիվանդություններից մահացության ցուցանիշը կտրուկ աճում էր»,- նշեց տնտեսագետը։
Ինչ վերաբերում է էկոնոմիկայի նախարարի ներկայացրած հաշվարկներին, ըստ որոնց՝ այս որոշմամբ ՀՆԱ-ն կաճը 88 միլիարդ դրամով, տնտեսագետը հորդորեց թվերի ու գնահատականների մեջ ավելի զգույշ լինել։
Մանրամասները՝ տեսանյութում։
Անժելա Պողոսյան
