18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԵԽԽՎ-ն կոչ է արել օգտագործել բոլոր գործիքները Ալեքսեյ Նավալնիին ազատ արձակելու համար
Քաղաքականություն
22.04.2021 | 15:28
ԵԽԽՎ-ն բանաձև է ընդունել, որով կոչ է արվում ՌԴ իշխանություններին մինչև 2021 թվականի հունիսի 7-ն ազատ արձակել Ալեքսեյ Նավալնիին։ Բանաձևին կողմ է քվեարկել 105 մարդ, 26-ը դեմ է քվեարկել, իսկ 11-ը՝ ձեռնպահ:
ԵԽԽՎ-ն Եվրոպայի խորհրդի նախարարական մարմնին կոչ է արել «օգտագործել իր տրամադրության տակ եղած բոլոր գործիքները», այդ թվում` Մարդու իրավունքների եվրոպական կոնվենցիայի 46-րդ հոդվածը, ապահովելու Ալեքսեյ Նավալնիի գործով Ստրասբուրգի դատարանի վճռի լիակատար և արագ կատարումը։ Այս մասին ասված է ԵԽԽՎ պաշտոնական կայքէջում։
Բանաձևի նախագծում, որը շաբաթվա սկզբին հրապարակվել էր վեհաժողովի կայքում, ասված է, որ ԵԽԽՎ-ն կոչ է անում ազատել Նավալնիին մինչև ԵԽ նախարարների կոմիտեի` Մարդու իրավունքների թեմայով հերթական նիստը, որը նախատեսված է 2021-ի հունիսի 7-9-ը:
ԵԽԽՎ-ն նաև կոչ է արել Մոսկվային, նախքան Նավալնիին ազատ արձակելը, «տրամադրել նրան անհրաժեշտ բժշկական օգնություն և ապահովել նրա իրավունքների լիակատար հարգումը», այդ թվում `իր նախընտրած բժիշկների կողմից զննումի իրականացումը:
«Պարոն Նավալնիի առողջությունը զգալիորեն վատթարացել է կալանքի տակ գտնվելու ընթացքում, և դա կարող է լինել անմարդկային վերաբերմունքի կամ պատժի հետևանք, ինչն արգելվում է», – ասված է բանաձևում:
