11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԵԽԽՎ-ն կոչ է արել Հայաստանին ու Ադրբեջանին կառուցողականորեն համագործակցել ԵԱՀԿ Մինսկի խմբի հետ
Քաղաքականություն
22.04.2021 | 13:32
ԵԽԽՎ Մոնիթորինգի հանձնաժողովը հանդես է եկել հայտարարությամբ, որում Ադրբեջանին կոչ է արել անհապաղ վերադարձնել հայ գերեվարված անձանց։ Բացի այդ, ԵԽԽՎ-ն կոչ է արել Հայաստանին ու Ադրբեջանին կառուցողականորեն համագործակցել ԵԱՀԿ Մինսկի խմբի հետ՝ եռակողմ հայտարարությունն ամբողջությամբ իրականացնելու ու խաղաղ բանակցություններ սկսելու նպատակով․
«Կոմիտեի կարծիքով՝ վերջին ռազմական գործողությունների ընթացքում մարդու իրավունքների և մարդասիրական իրավունքի խախտումների հետաքննության համար պատասխանատու անկախ միջազգային առաքելության ստեղծումը կարևոր է հաշտության և իրական խաղաղության հաստատման համար բարենպաստ միջավայր ստեղծելու համար: Մշակութային ժառանգությունը կարևոր է հակամարտության բոլոր կողմերի համար և հետևաբար առաջնահերթ խնդիր է դրա պաշտպանությունը ու վերանորոգումն ապահովելու համար անհրաժեշտ մեխանիզմների անհապաղ ստեղծումը: Հետևաբար, Կոմիտեն լիազորել է Եվրոպայի խորհրդի անդամ պետությունների միջև կոնֆլիկտներով զբաղվող իր ենթահանձնաժողովին `ավելի մանրամասն ուսումնասիրել այս երկու հարցերի լուծման համար անհրաժեշտ կոնկրետ մեխանիզմները:
Կոմիտեն երկու կողմերին էլ կոչ է անում կառուցողականորեն համագործակցել համապատասխան միջազգային ինստիտուտների, մասնավորապես ԵԱՀԿ Մինսկի խմբի հետ` եռակողմ հայտարարությունն ամբողջությամբ իրականացնելու ու խաղաղ բանակցություններ սկսելու նպատակով»:
Տաթև Ֆռանգյան
