16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԵՐԵՎԱՆԻ ԺԱՄԱՆԱԿՈՎ․ Կարծում եմ՝ հների և նորերի միջև մանդատների առևտուր է եղել՝ Կրեմլի թելադրանքով. Եղիշե Պետրոսյան․ ՏԵՍԱՆՅՈՒԹ
Քաղաքականություն
21.04.2021 | 20:32
«Մենք խորը ճգնաժամի մեջ ենք, առաջիկա խորհրդարանական ընտրություններն իբրև թե ուղղված են հանդարտեցնելու, հանգստացնելու իրավիճակը, բայց մենք ավելի խորը ճգնաժամի մեջ ենք ընկնելու: Այս քաոտիկ, անըմբռնելի, անընկալելի վիճակում, որում հայտնվել է մեր երկիրը, քարոզարշավ իրականացնելն ամբարտավանություն է, աննամուսություն երկրի նկատմամբ»,- Factor.am-ի հետ զրույցում նման տեսակետ է հայտնում երգահան, երաժիշտ Եղիշե Պետրոսյանը:
Նրա համոզմամբ՝ Հայաստանը, որպես պետություն, ոչինչ չի անում՝ իր մեջքն ուղղելու, դաշնակիցներ գտնելու և գերիներին վերադարձնելու ուղղությամբ։
«Կարծում եմ՝ փոխադարձ համաձայնությամբ հների և նորերի միջև Ազգային Ժողովի մանդատների առևտուր է եղել՝ Կրեմլի թելադրանքով»,- ասում է նա:
Անդրադառնալով Ադրբեջանի նախագահ Իլհամ Ալիևի հոխորտանքներին, թե Բաքուն չի կարող թույլ տալ ՀՀ-ին բերել իր բանակը մի վիճակի, որով այն կարող է սպառնալիք լինել երկրի համար, պարոն Պետրոսյանը նկատում է. «Հայաստանում պետության գլուխ պետք է գան այրեր, որոնք մտահոգ կլինեն երկրի ապագայով: Այդ ժամանակ միայն կարող է Ալիևին պատասխան տրվել, իսկ այս իշխանությունը չի կարող պատասխանել, ասածն էլ «օյին» չէ»:
Նա խոսում է նաև այն մասին, որ Հայաստանի ռազմավարական թիվ մեկ դաշնակից համարվող Ռուսաստանը դեմ է արտահայտվել Բաքվում պահվող հայ ռազմագերիների հարցի՝ ԵԽԽՎ լիագումար նիստերի օրակարգ ընդգրկելուն։
«Սա ռազմավարական դաշնակցի քողի տակ Թուրքիայի և Ադրբեջանի բարեկամ երկիր է, որն օգտագործում է մեր թուլությունը նրանց և, բնականաբար, իր իմպերիալիստական շահերը սպասարկելու համար»,- կարծիք է հայտնում մեր զրուցակիցը:
Հարցազրույցն ամբողջությամբ՝ տեսանյութում:
Աննա Բաբաջանյան
