30.06.2026 | 11:27
Օդաճնշիչ ատրճանակից կրակել է գետնին․ նախաձեռնվել է քրեական վարույթ
ՌԴ-ն արտաքսել է Մոսկվայում ԱՄՆ դեսպանության 10 աշխատակցի
Քաղաքականություն
21.04.2021 | 18:29
Մինչև մայիսի 21-ը Մոսկվայում ԱՄՆ դեսպանատան 10 աշխատակից պետք է լքի Ռուսաստանը: Համապատասխան գրությունն այսօր փոխանցվել է ԱՄՆ փոխդեսպան Բարթ Գորմանին: Այս մասին ասված է ՌԴ ԱԳՆ տարածած հաղորդագրության մեջ, գրում է EurAsia Daily-ն:
«Ապրիլի 21-ին ՌԴ ԱԳՆ է կանչվել Ռուսաստանի Դաշնությունում ԱՄՆ դիվանագիտական առաքելության ղեկավարի տեղակալ Բարթ Գորմանը, ում հանձնվել է Մոսկվայում ԱՄՆ դեսպանության 10 աշխատակցի persona non grata հայտարարելու մասին նոտան։ Նշված անձինք պետք է լքեն մեր երկրի տարածքը մինչ մայիսի 21-ը։ Սա հայելային պատասխան է ամերիկյան կողմի թշնամական գործողություններին Վաշինգտոնում Ռուսաստանի դեսպանատան և Նյու Յորքում Ռուսաստանի գլխավոր հյուպատոսության մի շարք աշխատակիցների նկատմամբ, որոնք անհիմն կերպով ճանաչվել են persona non grata»,- ասված է հաղորդագրության մեջ։
Դրանք ոչ բոլոր պատասխան միջոցներ են, որոնք Ռուսաստանը կձեռնարկի առաջիկայում՝՝ որպես ԱՄՆ-ի հակառուսական պատժամիջոցներին պատասխանելու մաս, վստահեցրել են ՌԴ ԱԳՆ-ից։
Տաթև Ֆռանգյան
