31.10.2026 | 12:34
Կյանքի թանկացման դեմ բողոքի ցույցերը տարածվում են Եվրոպայում․ ակցիաներ են եղել նաև Իտալիայի ավելի քան 60 քաղաքում
Փաշինյանի այցն ու Ալիևի հայտարարությունը կարելի է ինչ-որ ձևով իրար կապել. Աննա Գրիգորյան․ ՏԵՍԱՆՅՈՒԹ
Քաղաքականություն
21.04.2021 | 15:41
«Եթե Նիկոլ Փաշինյանը նախապես հայտարարեր, որ գնալու է Սյունիքի մարզ, կարծում եմ՝ այսօրվա իրադարձությունները տեղի չէին ունենա, կկանխվեր նրա նախապես պլանավորված այցը: Ոչ մի հայտարարություն չի եղել, պաշտոնական հաղորդագրություն չի տարածվել, թե ինչու է Փաշինյանն այցելում Սյունիքի մարզ: Անհասկանալի է, թե ինչ օրակարգով է վարչապետը գնացել Սյունիքի մարզ»,- այս մասին Factor.am-ի հետ զրույցում նշեց ԱԺ սյունեցի պատգամավոր Աննա Գրիգորյանը:
«Երեկ Ալիևի կողմից հնչել է հայտարարություն, որ վերջապես 101 տարի հետո Ադրբեջանը վերադառնալու է իր «պատմական հողեր»՝ Զանգեզուր, և նա խոսել է Զանգեզուրից, Մեղրիի միջանցքից: Եվ հիմա Փաշինյանը գնացել է Մեղրի: Մինչ այդ էլ որևէ հստակ առարկություն կամ հայտարարություն չի եղել Ալիևի հայտարարություններին ի պատասխան: Եվ այդ համատեքստում, անկեղծ ասած, չեմ հասկանում, Նիկոլ Փաշինյանը գնացել է մեղրեցիներին ի՞նչ ասի»,- նշեց պատգամավորը:
«Փաշինյանի այցն ու Ալիևի հայտարարությունը կարելի է ինչ-որ ձևով իրար կապել»,- ընդգծեց Աննա Գրիգորյանը՝ հավելելով, որ տրամաբանական հաջորդականություն կարելի է գտնել այդ ամենի մեջ:
Մանրամասները՝ տեսանյութում:
