30.06.2026 | 21:37
Ինչու Ալեն Սիմոնյանը չէր մասնակցում ՔՊ վարչության նիստին
Չավուշօղլուն հայտարարել է՝ ԱՄՆ-ի կողմից Հայոց ցեղասպանության ճանաչումն ավելի կվնասի թուրք-ամերիկյան հարաբերություններին
Քաղաքականություն
21.04.2021 | 14:32
Թուրքիայի ԱԳ նախարար Մևլութ Չավուշօղլուն թուրքական HaberTurk-ին տված հարցազրույցում հայտարարել է, որ ԱՄՆ նախագահ Ջո Բայդենի կողմից Հայոց ցեղասպանության ճանաչումն ավելի կվնասի ՆԱՏՕ-ի դաշնակիցների՝ արդեն իսկ լարված հարաբերությունները, գրում է Reuters գործակալությունը։
Տասնամյակներով Հայոց ցեղասպանությունը ճանաչման դեմ միջոցներ են ձեռնարկվել ԱՄՆ Կոնգրեսում, և ԱՄՆ նախագահները ձեռնպահ են մնացել այն «ցեղասպանություն» անվանելուց՝ Թուրքիայի հետ հարաբերությունների վատթարացման մտավախությամբ և Անկարայի կողմից իրականացվող ինտենսիվ լոբբինգի պատճառով։
Պատասխանելով հարցին, որ եթե Բայդենը ճանաչի Հայոց ցեղասպանությունը, հաղորդումների համաձայն՝ կլինի ԱՄՆ առաջին նախագահը, որը դա արել է, Չավուշօղլուն ասել է, որ Միացյալ Նահանգները «պիտի հարգեն միջազգային իրավունքը»։
«Հայտարարությունները, որոնք չունեն իրավական ուժ, որևէ օգուտ չեն բերում, բայց կարող են վնասել հարաբերություններին։ Եթե Միացյալ Նահանգները ցանկանում է վատթարացնել կապերը, որոշումն իրենն է»,- ասել է Չավուշօղլուն։
Աղբյուրը հիշեցնում է, որ 2019թ․ ԱՄՆ Սենատն ընդունել է բանաձև՝ ճանաչելով Հայոց ցեղասպանությունը, որը վրդովվեցրել է Թուրքիային։
Էմմա Չոբանյան
