14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
«Հարսնաքարի» սպանության գործով դատապարտյալը դիմել էր ավագանուն՝ տարածքի փոխանակման համար. հարցն ընդունվեց
Հասարակություն
13.02.2018 | 16:59
Ավագանու նիստը շարունակվեց առանց «Երկիր Ծիրանի» խմբակցության անդամների, նշենք, որ մինչ նրանց հեռանալը քվեարկությունը դանդաղ էր ընթանում և հաճախակի բախումներով, իսկ նրանց հեռանալուց հետո նիստը բավականին արագ ընթացք ունեցավ: Այսօր քննարկվող հարցերից մեկն էլ հողամասերի փոխանակումն էր Ավանում:
Ավագանու «Ելք» խմբակցության անդամ Անի Խաչատրյանը կոչ արեց դեմ քվեարկել այդ հարցին, քանի որ հողատարածքների փոխանակության համար դիմողը Նորայր Հայրապետյանն է, ով առավել հայտնի է «Հարսանաքարի» սպանության գործով: «Նա Վահե Ավետյանին սպանելու համար է դատապարտվել, ես կոչ եմ անում դեմ քվեարկել և մարդասպանին տարածք չտրամադրել»,- հայտարարեց Խաչատրյանը:
Տարոն Մարգարյանը, սակայն, նշեց, որ Ավանում ևս մեկ եկեղեցի է կառուցվելու, և սա կատարվում է ոչ թե Նորայր Ավետյանի, այլ եկեղեցաշինության համար. «Հողերի ճշգրտում է արվում, որպեսզի եկեղեցի կարողանան կառուցել, Ձեր ասածից դուրս է գալիս, թե իրենց ենք ցանկանում լավություն անել, ինչն այդպես չէ»:
Հարցն ընդունվեց: Նիստի քսանչորս հարցերն էլ քննարկվեցին և ընդունվեցին:
