17.12.2025 | 20:23
Նազիկ Ավդալյան․ Քաղաքականությամբ զբաղվելու նպատակ չունեմ
Ջորջ Ֆլոյդի մահվան գործով մեղադրական դատավճիռը կարող է «հսկայական քայլ» լինել ԱՄՆ-ում ռասիզմի դեմ համակարգային պայքարում․ Բայդեն
Քաղաքականություն
21.04.2021 | 13:59
Աֆրոամերիկացի Ջորջ Ֆլոյդի մահվան գործով մեղադրական դատավճիռը կարող է «հսկայական քայլ» լինել Միացյալ Նահանգներում ռասիզմի դեմ համակարգային պայքարում: Այս մասին հայտարարել է ԱՄՆ նախագահ Ջո Բայդենը՝ ելույթ ունենալով Սպիտակ տանը, հաղորդում է CBSN news-ը:
«Դա օրը ցերեկով սպանություն է, այն վարագույրը բացեց ամբողջ աշխարհի համար, որը տեսավ այդ համակարգային ռասիզմը»,- ասել է նա։
Բայդենի խոսքով՝ ատենակալների կողմից բոլոր կետերով նախկին ոստիկան Դերեք Շովինի մեղադրական դատավճիռը կարող է կարևոր քայլ լինել ռասիզմի դեմ պայքարում: Սակայն, ինչպես նշել է քաղաքական գործիչը, մինչ օրս ԱՄՆ-ում նման դատավճիռները հազվադեպ են։
«Սա կարող է դառնալ հսկայական քայլ առաջ՝ Ամերիկայում արդարության հաստատման գործում։ Սակայն եկեք խոստովանենք, որ նման դատավճիռները հազվադեպ են»,- հայտարարել է ԱՄՆ առաջնորդը։
Միևնույն ժամանակ, նախագահը համոզմունք է հայտնել, որ ԱՄՆ ոստիկանների մեծ մասն ազնվորեն կատարում է իր մասնագիտական պարտականությունները:
«Ոստիկանությունում աշխատող տղամարդկանց և կանանց մեծ մասն ազնվորեն ծառայում է համաքաղաքացիներին: Սակայն այն փոքրաթիվները, որոնք չեն համապատասխանում այս չափանիշին, պետք է պատասխան տան, և այսօր դա տեղի ունեցավ»,- ասել է նա:
Տաթև Ֆռանգյան
