30.06.2026 | 11:46
Վենեսուելայում երկրաշարժերի զոհերի թիվը գերազանցել է 1700-ը
ՃՈ ուժեղացված ծառայություն մարզերում․ հայտնաբերվել է ոչ սթափ 50 վարորդ
Հասարակություն
20.04.2021 | 18:39
Ապրիլի 17-ին և 18-ին ճանապարհային ոստիկանության 2-րդ սպայական գումարտակի ծառայողներն ուժեղացված ծառայություն են իրականացրել մարզերում։ Մասնավորապես, շաբաթ օրը Շիրակի, Արագածոտնի և Գեղարքունիքի, իսկ կիրակի օրը՝ Արարատի, Արմավիրի, Կոտայքի, Լոռու և Շիրակի մարզերում։ Հայտնաբերվել է ընդհանուր 1500-ից ավելի խախտում։ Պահպանվող հատուկ տարածքներ են տեղափոխվել 40 ավտոմեքենա։
Հայտնաբերվել է ոչ սթափ 50 վարորդ, ինչպես և փոխարինված համարանիշերով շահագործվող՝ 2, համարանիշերը ոչ սահմանված վայրում փակցված՝ 22, առանց ԱՊՊԱ պայմանագրի՝ 14, թաղանթապատված դիմապակիով՝ 7 մեքենա։
Վարորդներին ոստիկանությունը հորդորում է խստորեն պահպանել ճանապարհային երթևեկության կանոնները. նմանօրինակ միջոցառումները պարբերական են։
