09.06.2026 | 13:26
Իշխան Սաղաթելյանի ասուլիսը․ ՈՒՂԻՂ
Չադի նախագահը սպանվել է ապստամբների դեմ ռազմական գործողությունների ժամանակ
Քաղաքականություն
20.04.2021 | 15:52
Չադի նախագահ Իդրիս Դեբի Իտնոն ապստամբների հետ ռազմական գործողությունների ժամանակ ստացած վիրավորումից մահացել է։ Այս մասին հայտնում է ՏԱՍՍ-ը՝ վկայակոչելով տեղի հեռուստաընկերությունը։
«Նախագահ ու գերագույն հրամանատար Իդրիս Դեբի Իտնոն հենց նոր մահացել է»,- եթերում հայտարարել է Չադի բանակի պաշտոնական ներկայացուցիչ, գնդապետ Ազեմա Բերմանդոան։
Նրա խոսքով՝ երկրի ղեկավարը մահացու վիրավորում է ստացել անցյալ հանգստյան օրերին գրանցված ռազմական գործողությունների ժամանակ, երբ անձամբ ղեկավարել է երկրի մայրաքաղաք Նջամենայից հյուսիս գտնվող ապստամբ ջոկատների դեմ օպերացիան։
Հավելենք, որ երեքշաբթի Չադի անկախ ազգային ընտրական հանձնաժողովը հայտարարել է, որ կորպուսի գեներալ Իդրիս Դեբի Իտնոն, որը երկիրը ղեկավարում է 1990 թվականից, հաղթել է ապրիլի 11-ին երկրում կայացած նախագահական ընտրություններում՝ վերընտրվելով վեցերորդ անգամ: Նա ստացել է ընտրողների ձայների ընդհանուր թվի 79,32%-ը:
Տաթև Ֆռանգյան
