18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ԱՀԿ-ն 3 ամսով երկարացրել է կորոնավիրուսային համաճարակի պատճառով հայտարարված արտակարգ իրավիճակը
Քաղաքականություն
20.04.2021 | 15:24
Առողջապահության համաշխարհային կազմակերպությունը 3 ամսով երկարացրել է արտակարգ իրավիճակը, պատճառը շարունակում է մնալ կորոնավիրուսի տարածումը։ Այս մասին Ժնևում հայտնել է ԱՀԿ արտակարգ իրավիճակների կոմիտեն, որի նիստում մանրամասն վերլուծել են իրավիճակը:
Աշխարհում Covid-19-ով վարակման դեպքերի թիվն անցել է 142․700․000-ը։ Ընդ որում, ինչպես նկատել են կազմակերպությունում, վարակվածների թիվն ավելանում է հատկապես 25-59 տարեկանների շարքում։ Պատճառը սոցիալական կապերն են, իսկ տարածման արագությունը գնահատվել է որպես «անհանգստացնող»։
Սրա հետ մեկտեղ, առանձին երկրներում նկատվում է համաճարակի թուլացում։ Այսպես՝ Հունգարիայում բացվել են մանկապարտեզներն ու դպրոցները, Պորտուգալիայում՝ առևտրի կենտրոնները, միջնակարգ դպրոցներն ու համալսարանները, թույլատրվում է այցելել փակ տարածքներում գտնվող ռեստորաններ ու սրճարաններ, բացվել են չվերթները դեպի Մեծ Բրիտանիա ու Բրազիլիա։ Դպրոց են գնում նաև Սերբիայում, Սլովակիայում։ Շվեյցարիայում ևս 4 ամսվա դադարից հետո մարդկանց թույլատրվում է այցելել կինոթատրոններ, համերգասրահներ ու ֆիթնես կենտրոններ։
Տաթև Ֆռանգյան
