17.09.2026 | 17:01
Ռուբեն Ռուբինյանն ու Չեխիայի դեսպանը քննարկել են երկկողմ հարաբերությունների զարգացումը
Թուրք նախարարը հայտնել է Ադրբեջանից Նախիջևան ճանապարհի շինարարության մեկնարկի մասին
Քաղաքականություն
20.04.2021 | 11:25
Ադրբեջանից Նախիջևան ճանապարհի շինաշխատանքները սկսվել են։ Այս մասին հայտնել է Թուրքիայի տրանսպորտի ու ենթակառուցվածքների նախարար Ադիլ Քարաիսմաիլօղլուն «Յենի Շաֆաքին» տված հարցազրույցում։
«Մենք քննարկել ենք Ադրբեջանի վարչապետի տեղակալի հետ Ադրբեջանից Նախիջևան ճանապարհի կառուցման հարցը։ Մենք նշել ենք, որ անհրաժեշտ է շինարարությունն ավարտել ամենակարճ ժամկետում։ Շինարարությունն արդեն սկսված է»,- ասել է թուրք նախարարը։
Նրա խոսքով՝ նաև պետք է սկսել երկաթուղու կառուցումը Կարսից Դիլուջու՝ Նախիջևանի սահմանին։
«Պետք է նաև Նախիջևանում երկաթուղու արդիականացում, իսկ դրանից հետո սկսել Ադրբեջանից Նախիջևան երկաթուղու շինարարություն՝ այդպիսով ապահովելով երկաթուղային ուղիղ կապ Թուրքիայի ու Ադրբեջանի միջև, և ոչ թե Վրաստանի տարածքով»,-ասել է թուրք նախարարը։
Նա նշել է, որ Ադրբեջանը ծրագրել է այս երկաթգծի կառուցումը դեկտեմբերին, սակայն Թուրքիան առաջարկել է նախ ավարտել ավտոմոբիլային ճանապարհի կառուցումը, հետո միայն անցնել երկաթուղուն։
Էմմա Չոբանյան
