11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
ԼՂ-ում ականազերծվել է 2012 հա տարածք․ 50 ուխտավոր այցելել է Ամարաս ու Դադիվանք․ ՌԴ ՊՆ
Քաղաքականություն
20.04.2021 | 13:38
ՌԴ ՊՆ հումանիտար ականազերծման կենտրոնի ինժեներասակրավորական խմբերը շարունակում են Լեռնային Ղարաբաղի տարածքի՝ պայթյունավտանգ առարկաներից մաքրման աշխատանքները: Այս մասին հայտնում են ՌԴ ՊՆ-ից։ Այժմ ռուս ականազերծողներն աշխատանքներ են տանում Կարմիր շուկայի տարածքում։ Պայթյունավտանգ առարկաներից մաքրվել է 5 հա գյուղատնտեսական նշանակության տարածք։
2020 թվականի նոյեմբերի 23-ից ի վեր չպայթած զինամթերքից մաքրվել է 2․012 հա տարածք, 620 կմ ճանապարհ, 1․716 շենք-շինություն, այդ թվում՝ սոցիալական նշանակություն ունեցող 30 օբյեկտ, հայտնաբերվել ու վնասազերծվել է 25․580 պայթուցիկ առարկա։
Տեղեկացվում է նաև, որ ռուսական խաղաղապահ զորախմբի զինծառայողներն ապահովել են 50 ուխտավորների անվտանգությունը, որպեսզի նրանք այցելեն Ամարաս, Գանձասար և Դադիվանք։
Տաթև Ֆռանգյան
