18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ավարտվել է կրթամշակութային միջոցառումներով հագեցած Ազգային գրադարանային շաբաթը
Հասարակություն
19.04.2021 | 18:18
Խնկո Ապոր անվան ազգային մանկական գրադարանում ապրիլի 12-19-ն անցկացվել է արդեն ավանդական դարձած Ազգային գրադարանային շաբաթը: Ամենամյա ծրագիրը հագեցած էր մշակութային և կրթական միջոցառումներով. այս մասին տեղեկացնում են Խնկո Ապոր անվան ազգային մանկական գրադարանից:
Ազգային գրադարանային շաբաթը մեկնարկել էր Հայաստանի Հանրապետության անկախության 30-ամյակին նվիրված և գրադարանի նկարչական ստուդիայի սաների աշխատանքների ցուցահանդեսներով:
Գրական հանդիպումների շրջանակում կազմակերպվել են Մարկ Լևիի և Հրաչյա Մանուկյանի գրքերի քննարկումները: Հայրենիքի պաշտպանի վերականգնողական կենտրոնում (Զինվորի տուն) կայացավ արցախյան պատերազմում վիրավորում ստացած զինվորների հանդիպումը երիտասարդ գրող Դավիթ Սամվելյանի հետ. քննարկվեց նրա «հակաՔԱՂԱՔական» գործը:
«Տարվա հոբելյար» խորագրով անցկացվել են միջոցառումներ նվիրված կոմպոզիտորներ Առնո Բաբաջանյանի 100, Ալեքսանդր Սպենդիարյանի 150 և գրող, մանկագիր Նանսեն Միքայելյանի ծննդյան 90-ամյակներին:
Շաբաթի շրջանակում անցկացվել են նաև տեսապատկերներով անգլերեն ինտերակտիվ խաղ-մրցույթ, երգերի կոլեկտիվ ունկնդրումներ, հեքիաթների ընթերցումներ դերասան Ստ. Շահինյանի կատարմամբ:
Իրականացվել են փոխայցելություններ մայրաքաղաքի գրադարաններ:
