12.11.2026 | 21:37
Դուբլինում Ալեն Սիմոնյանն ու Հիքմեթ Հաջիևը շփումներ են ունեցել
Մարտին Վարդազարյանը պնդում է՝ չի տեսել, թե ինչպես են ավագանու կին անդամին իր տղամարդ գործընկերները ծեծում
Հասարակություն
13.02.2018 | 13:41
Երևանի ավագանու նիստն այսօր աննախադեպ միջադեպով ուղեկցվեց: Ծեծկռտուք տեղի ունեցավ «Երկիր Ծիրանի» և Հանրապետական խմբակցությունների անդամների միջև։ Ընդդիմադիր «Երկիր Ծիրանիի» անդամները Նուբարաշենից բերված կոյուղաջրով լի շշեր էին բերել նիստերի դահլիճ, ապա փորձեցին դրանք մոտեցնել քաղաքապետ Տարոն Մարգարյանին։ Հանրապետականի ավագանու անդամները շտապեցին խոչընդոտել ընդդիմադիր խմբակցության անդամներին, որին հետևեց ծեծկռտուք նրանց միջև:
ՀՀԿ-ական անդամներից շատերը «Երկիր Ծիրանիի» կին անդամին բռնությամբ հեռացրին դահլիճից, այնուհետև նիստն ընդհատվեց:
Ընդմիջմանը ավագանու ՀՀԿ-ական անդամ, ժողովրդական արտիստ Մարտին Վարդազարյանը նախ մեղադրեց լրագրողներին՝ նկատելով, որ լրագրողների և ընդդիմադիր խմբակցության անդամների միջև պայմանավորվածություն է եղել. «Լրագրողի աշխատանքն էլ իր սահմանագծերն ունի, պայմանավորվածությամբ էին նկարահանում, ես այդպես եմ կարծում»:
Չնայած տեսանյութերից մեկում ակնհայտ երևում է, թե ինչպես է ՀՀԿ-ական անդամներից մեկը ապտակում Մարինա Խաչատրյանին, սակայն ժողովրդական արտիստը պնդում է ՝ որևէ բռնության ականատես չի եղել: «Ես չեմ տեսել որևէ բռնություն, իսկ «Երկիր Ծիրանիի» վարքը կարելի է դիտարկել որպես խուլիգանություն»,- ասաց Մարտին Վարդազարյանը:
Մանրամասները՝ տեսանյութում:
