11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ուկրաինան պահանջել է արտաքսել ՌԴ դեսպանության ավագ դիվանագետին
Քաղաքականություն
19.04.2021 | 15:29
Կիևում ՌԴ դեսպանատունը ստացել է Ուկրաինայի ԱԳՆ բողոքի նոտան՝ դեսպանության ավագ դիվանագետի արտաքսման պահանջով։ Այս մասին «ՌԻԱ Նովոստիին» հայտնել են ՌԴ դեսպանությունից։
«Այո, ստացել ենք»,- հայտնել է դեսպանության ներկայացուցիչը։
Ինչպես պարզաբանել են դեսպանությունից, խոսքը գնում է դիվանագետ Եվգենի Չերնիկովի մասին։
Հավելենք, որ ապրիլի 17-ին ՌԴ Անվտանգության դաշնային ծառայությունից հայտել են Ուկրաինայի կոնսուլ Ալեքսանդր Սոսոնյուկի ձերբակալման մասին։ Գերատեսչության տեղեկությունների համաձայն՝ նա ձերբակալվել է ՌԴ քաղաքացու հետ հանդիպման ժամանակ՝ փակ բնույթի տեղեկություն ստանալու փորձի ժամանակ։ Նշվում էր, որ «Սոսոնյուկի գործունեությունը թշնամական է ՌԴ-ի հանդեպ ու համատեղելի չէ դիվանագիտական աշխատակցի կարգավիճակի հետ»։
Նշենք, որ Սոսոնյուկը երկար տարիներ է աշխատել ՌԴ-ում․ Ուկրաինայի դեսպանության կայքէջում նրա մասին հիշատակվում է 2012 թվականից։
Տաթև Ֆռանգյան
