27.04.2026 | 20:50
Սյունիքի մարզում վթարյին ջրանջատում կլինի
ԵՄ-ՌԴ հարաբերություններում բազմաթիվ ուղղություններով աճում է լարվածությունը․ Բորել
Քաղաքականություն
19.04.2021 | 14:55
Այսօր ԵՄ երկրների արտաքին գործերի նախարարները կքննարկեն Ուկրաինայի սահմանների մոտ Ռուսաստանի զորքերի կուտակման հետ կապված իրավիճակը, գրում է korrespondent.net-ը։
Եվրամիությունը կոչ է անում Ռուսաստանին հետ քաշել իր զորքերը Ուկրաինայի հետ սահմանից: Այս մասին այսօր հայտարարել է Եվրամիության արտաքին հարաբերությունների գծով բարձրագույն հանձնակատար Ժոզեպ Բորելը։
«Մենք կքննարկենք Ուկրաինայի սահմանին իրավիճակը, որտեղ դաշտային զորվարժությունների համար տեղակայված են ռուսական զորքերը։ Սա չափազանց վտանգավոր իրավիճակ է, մենք կոչ ենք անում Ռուսաստանին հետ քաշել իր զորքերը Ուկրաինայի հետ սահմանից»,- ԵՄ ԱԳՆ ղեկավարների բանակցություններից առաջ իր տեսաուղերձում ասել է Բորելը։
Նա նաև նշել է, որ ԵՄ-ՌԴ հարաբերություններում բազմաթիվ ուղղություններով աճում է լարվածությունը։
Ավելի վաղ հայտնի է դարձել, որ Բորելը մտադիր է այցելել Ուկրաինա ու լինել Դոնբասի հետ շփման գծում։
Տաթև Ֆռանգյան
