30.06.2026 | 16:15
Կրեմլը խոստովանել է, որ ՌԴ-ն բանակցություններ է վարում նավթամթերքի ներմուծման հարցով
Լոնդոնը թշնամական Ռուսաստանի ու Չինաստանի գործողությունների դեմ պայքարելու համար նոր օրենքներ է ընդունում․ The Times
Քաղաքականություն
19.04.2021 | 14:31
Մեծ Բրիտանիայի իշխանությունները մտադիր են նոր օրենք մտցնել «թշնամական պետությունների» գործողությունների դեմ պայքարելու համար, գրում է The Times- ը: Մասնավորապես այն անձինք, որոնք աշխատում են Մեծ Բրիտանիայում այլ պետությունների իշխանությունների անունից, պարտավոր են լինելու գրանցել իրենց ներկայությունը թագավորությունում։ Այս կարգը չպաշտպանողները կենթարկվեն քրեական պատասխանատվության։
Միացյալ Թագավորության վարչապետ Բորիս Ջոնսոնը մտադիր է այս փաստաթղթի մասին հայտնել մայիս 11-ին, երբ Եղիսաբեթ 2-րդ թագուհին խորհրդարանում հանդես կգա իր ամենամյա ելույթով։
Բացի այդ, Բրիտանիայի կառավարությունը մտադիր է թարմացնել «Պետական գաղտնիքի մասին» օրենքը, որպեսզի դրա դրույթներն օգտագործվեն այն անձանց դեմ, որոնք «դրսից փորձում են խարխլել Մեծ Բրիտանիայի շահերը»:
Մասնավորապես, խոսքը հաքերների մասին է, որոնք աշխատում են «թշնամական պետությունների անունից»: Հրատարակչության տեղեկությունների համաձայն՝ Ջոնսոնը վճռական է տրամադրված ու մտադիր է առաջ տանել այս օրենքները՝ Ռուսաստանի ու Չինաստանի կողմից աճող սպառնալիքի կապակցությամբ։
Տաթև Ֆռանգյան
