Հայ-հունական վերհասարակական հարաբերությունների սերտացում՝ Հայաստանի ՀԽ-ի ու Հունաստանի  Տնտեսական և սոցիալական խորհրդի մակարդակով

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Հունաստանի Տնտեսական և սոցիալական խորհրդի նորանշանակ նախագահ Իոաննիս Ռաիդասը նամակ է հղել ՀԽ նախագահ Ստյոպա Սաֆարյանին, որում մասնավորապես ասվում է.

«Հարգելի՛ ՀԽ նախագահ,

2021թ. փետրվարին 4 տարի ժամկետով ընտրվել եմ Հունաստանի Տնտեսական և սոցիալական խորհրդի նախագահ:

Հունաստանի Տնտեսական և սոցիալական խորհուրդը միշտ սերտ և բեղմնավոր համագործակցություն է ունեցել Հայաստանի Հանրային խորհրդի հետ, և իմ հանձնառությունն եմ համարում շարունակել այն, քանի որ երկու հաստատություններն էլ, որպես Տնտեսական և սոցիալական խորհուրդների և համանման ինստիտուտների միջազգային ասոցիացիայի (AICESIS) երկարամյա անդամներ, ունեն նույն արժեքներն ու առաքելությունը:

Ավելին, մեր հաստատությունների միջև կնքված Փոխըմբռնման հուշագիրը կարևորագույն հիմք է ծառայում այնպիսի նախաձեռնությունների և փոխանակումների, որոնք կարող են արժեք ստեղծել մեր հասարակությունների համար:

Մեր անսասան կամքն է վերաակտիվացնել մեր միջև եղած երկկողմանի համագործակցությունը մի շարք ոլորտներում, որոնք կարող են փոխադարձաբար հստակեցվել: Մեր գլխավոր քարտուղար պրն. Ապոստոլոս Խիրաֆիսին հանձնարարվել է որոշակիացնել մեր տեսլականը՝ համաձայնեցնելով այն Ձեր հարգարժան հաստատության հետ:

Այս իմաստով, հարգելի՛ պարոն Սաֆարյան, խնդրում եմ ընդունեք իմ հարգանաց խորին հավաստիքը:

Հարգանքով՝

Հունաստանի Տնտեսական և սոցիալական խորհրդի նախագահ Իոաննիս Ռաիդաս»։

 

Իր հերթին, Հայաստանի Հանրապետության ՀԽ նախագահը պատասխանել է.

«Հարգելի՛ պարոն նախագահ,

Ուրախ եմ Ձեր ջերմ և ոգեշնչող նամակի համար: Նախ թույլ տվեք շնորհավորել Ձեզ Հունաստանի Տնտեսական և սոցիալական խորհրդի նախագահի պաշտոնում ընտրվելու կապակցությամբ և մաղթել արդյունավետ աշխատանք՝ հանուն Հունաստանի բարգավաճման, որի հետ Հայաստանը պատմականորեն հաստատել է ջերմ, բարեկամական և արդյունավետ հարաբերություններ:

ՀՀ Հանրային խորհուրդը բարձր է գնահատում Հունաստանի Տնտեսական և սոցիալական խորհրդի հետ հարաբերությունները և երկու հաստատությունների միջև ստորագրված Փոխըմբռնման հուշագիրը դիտարկում է որպես փոխշահավետ կապերի ու փոխանակումների զարգացման կարևոր շրջանակ: Մեր հաստատության և գործընկերների անունից հայտնում եմ մեր մեծ հետաքրքրությունն ու պատրաստակամությունը՝ մեր ներդրումն ու գաղափարները բերելու ընդհանուր տեսլականի արդիականացման հարցում:

Ինչպես նշել եք մեզ ուղղված նամակում, Կովիդ-19 համավարակի հետևանքով աշխարհն առերեսվում է մարտահրավերների, ինչը շարունակում է կտրուկ ազդեցություն ունենալ մեր երկրների վրա: Արդյունքում համաշխարհային տնտեսության կառուցվածքն ու ձևն աստիճանաբար փոփոխվում են նաև համավարակով պայմանավորված:  Դա հրամայական է դարձնում համատեղելու մեր ջանքերը, ներառյալ՝ նյութական, մասնագիտական և ֆինանսական՝ արդյունավետորեն հաղթահարելու համավարակն ու դրա բացասական հետևանքները:

Ավելին, նախորդ տարվա սեպտեմբերից սկսած և Թուրքիայի բացահայտ աջակցությամբ Ադրբեջանի կողմից չճանաչված Արցախի/ Լեռնային Ղարաբաղի Հանրապետության դեմ սանձազերծված ագրեսիոն պատերազմն իր հերթին բերեց այլ հետևանքներ հայ հասարակության, նրա տնտեսական ու քաղաքական համակարգերի և ընդհանրապես տարածաշրջանային խաղաղության համար, ինչպիսիք են՝ Ադրբեջանում պահվող հայ ռազմագերիները, հետպատերազմյա սոցիալ-տնտեսական վերականգնումը պատերազմից տուժած տարածքներում ոչ միայն Արցախում, այլ նաև Հայաստանում: Այս բոլոր մասշտաբային և սուր մարտահրավերներն առավել քան երբևէ մեզ ստիպում են գործել մեծ սիներգիայի և համագործակցության մեջ՝ դիմակայելու և դրանք ավելի քիչ կորուստներով հաղթահարելու համար:

Հունաստանն ու Հայաստանը ճակատագրով ընկերներ են, որոնք ունեն նմանություններ արտաքին վտանգների, տնտեսական քաղաքականությունների և այլնի առումով: Արդյունքում, կարծում եմ, որ ՀՀ Հանրային խորհուրդը և Հունաստանի Տնտեսական և սոցիալական խորհուրդն ունեն համագործակցության լայն դաշտ՝ բարձրաձայնելու հարցեր, որոնք կարևոր են թե՛ Հունաստանի, և թե՛ Հայաստանի հասարակությունների համար:

ՀՀ Հանրային խորհուրդը բարձր է գնահատում իր արտաքին գործընկերների հետ հարաբերությունների հաստատումն ու զարգացումը և այս համատեքստում կարևորում է հաղորդակցության արդյունավետ ձևաչափերի ձևավորումը:

Քանի որ մեր հաստատությունների միջև վերջին շփումից զգալի ժամանակ է անցել, առաջարկում եմ հստակեցնել հարմար ժամանակահատված և կազմակերպել առցանց համաժողով համապատասխան հարցերը քննարկելու նպատակով:

Կրկին շնորհակալ եմ Ձեր նամակի և մեծ հետաքրքրության համար:

Հարգանքով՝

ՀՀ Հանրային խորհրդի նախագահ Ստյոպա Սաֆարյան»

 

Հանրային խորհրդի քարտուղարություն