30.06.2026 | 11:46
Վենեսուելայում երկրաշարժերի զոհերի թիվը գերազանցել է 1700-ը
Վրաստանի կաթողիկոսն Արմեն Սարգսյանի հետ հանդիպմանը կարևորել է Կովկասում խաղաղությունը
Քաղաքականություն
16.04.2021 | 14:52
Համայն Վրաստանի կաթողիկոս-պատրիարք Իլյա Երկրորդը հոգևորականության հետ միասին ընդունել է Հայաստանի նախագահ Արմեն Սարգսյանին, նրա տիկնոջը և պատվիրակության մյուս անդամներին, հայտնում է «Նովոստի Գրուզիա»-ն:
Վրաստանի պատրիարքարանի տեղեկությունների համաձայն՝ հանդիպմանը քննարկվել են Վրաստանի և Հայաստանի միջև բարեկամական հարաբերությունները, ինչպես նաև միջազգային ասպարեզում տեղի ունեցող գործընթացները:
Նորին Սրբությունը շեշտել է Կովկասի տարածաշրջանում և ամբողջ աշխարհում խաղաղության կարևորությունը, ինչպես նաև հակամարտությունների խաղաղ կարգավորումը:
ՀՀ նախագահ Արմեն Սարգսյանը շնորհակալություն է հայտնել է Համայն Վրաստանի կաթողիկոս-պատրիարքին ընդունելության համար, ողջույններ փոխանցել Գարեգին Երկրորդ պատրիարքից և երկու երկրների միջև բարեկամական կապերն է՛լ ավելի ամրապնդելու հույս հայտնել:
Տաթև Ֆռանգյան
