11.10.2026 | 14:46
Այսօր աղջիկ երեխաների միջազգային օրն է
Համաճարակից հետո՝ անկախություն․ Շոտլանդիայում ազգայնականները հանրաքվե են խոստանում
Քաղաքականություն
16.04.2021 | 19:59
«Շոտլանդիայի ազգային կուսակցությունը» (SNP) պաշտոնապես խոստացել է, որ Բրիտանիայից Շոտլանդիայի անջատման հանրաքվեն տեղի կունենա 2023 թվականի վերջին, եթե մայիսին կայանալիք ընտրություններում անկախության կողմնակիցները ստանան ձայների մեծամասնությունը: Մեծամասնության քվեն ստանալը միանգամայն հնարավոր է, բայց հանրաքվե անցկացնելու համար անհրաժեշտ է նաև Լոնդոնի համաձայնությունը, իսկ Լոնդոնը չի ցանկանում զիջել, գրում է BBC-ն։
Շոտլանդիայի նոր խորհրդարանի լիազորությունների ստանձնումից հետո՝ մինչև 2023 թվականի ավարտը, հանրաքվե անցկացնելու ծրագրի մասին նշված է Շոտլանդիայի ազգային կուսակցության մանիֆեստում (ընտրական ծրագրում), որը հրապարակվել է խորհրդարանական ընտրություններից ուղիղ երեք շաբաթ առաջ:
«Եթե այս խորհրդարանական ընտրություններից հետո անկախության հանրաքվեի օգտին կլինի պարզ ժողովրդավարական մեծամասնությունը, ապա ո՛չ Բորիս Ջոնսոնը, ո՛չ մեկ ուրիշը ոչ մի ժողովրդավարական կամ բարոյական արդարացում չի ունենա Շոտլանդիայի ժողովրդին իր ապագան որոշելուց զրկելու հարցում»,- հայտարարել է SNP-ի առաջնորդ և Շոտլանդիայի վարչապետ Նիկոլա Ստերջոն։
Նա, միաժամանակ, շեշտել է, որ նախ և առաջ անհրաժեշտ է դուրս գալ կորոնավիրուսային ճգնաժամից։
Տաթև Ֆռանգյան
