30.06.2026 | 14:52
Ընդդիմադիր ուժերի առաջնորդների հետ հանդիպել եմ, գաղտնի պլան ունենք. Սամվել Կարապետյան․ ՏԵՍԱՆՅՈՒԹ
Մեկնարկել են Երևան-Սևան մայրուղու՝ վանդալիզմի ենթարկված արձանների վերականգնման աշխատանքները․ Հ․Վանյան. ՏԵՍԱՆՅՈՒԹ
Մշակույթ
16.04.2021 | 12:24
2020 թվականին պետական միջոցներով կատարվել են Լոռու մարզի Սանահին վանական համալիրի Ամենափրկիչ եկեղեցու տանիքի վերականգնման և մասնակի ամրակայման աշխատանքները, վերականգնվել է Սարգիս Բաղդասարյանի «Լոռեցի Սաքո» քանդակը, որը ժամանակին վանդալիզմի էր ենթարկվել և վնասվել։ Այն տեղադրվել է Լոռու մարզի Դսեղ գյուղում։ Մասնակի ամրակայվել և վերականգնվել է նաև Հոռոմի Սուրբ Հռիփսիմե եկեղեցին։
Այս մասին այսօր՝ Հուշարձանների և տեսարժան վայրերի միջազգային օրվան նվիրված ասուլիսին նշեց Պատմության և մշակույթի հուշարձանների պահպանության վարչության պետ Հարություն Վանյանը:
«Մեկնարկել են նաև Երևան-Սևան մայրուղու հարևանությամբ՝ Դավիթ Բեջանյանի «Ճանապարհաշինարարներ» և Խաչատուր Հակոբյանի «Արձագանք» արձանների վերականգման աշխատանքները։ Ժամանակին այս քանդակները նույնպես վանդալիզմի են ենթարկվել, թալանվել, և շատ կարևոր է ցույց տալ, որ պետությունը տեր է կանգնում իր ժառանգությանը»,- նշեց Վանյանը։
Մանրամասները՝ տեսանյութում։
Նելլի Մելքոնյան
