01.03.2026 | 16:53
Իսրայելում Իրանի հրթիռային հարվածի հետևանքով զոհվել է 5 մարդ, վիրավորվել՝ 18-ը
ԱՄՆ-ում տղամարդը կրակ է բացել մարդկանց վրա․ կա 8 զոհ, 4 վիրավոր
Քաղաքականություն
16.04.2021 | 12:35
ԱՄՆ Ինդիանա նահանգի Ինդիանոպոլիս քաղաքում զինված տղամարդը կրակ է բացել FedEx փոստային ընկերության պահեստում։ Ոստիկանության հաղորդմամբ՝ 8 մարդ սպանվել է, կրակողը ինքնասպան է եղել, գրում է BBC-ի ռուսական ծառայությունը։
Տեղեկացվում է, որ հանցագործը գործել է միայնակ։ Նրա ինքնության մասին դեռևս ոչինչ չի հաղորդվում։
«Մենք հայտնաբերել են հրազենային վնասվածքներով 8 մարդու, նրանք մահացել են տեղում»․- հայտարարել է քաղաքի ոստիականության ներկայացուցիչ Ջինի Քուքը։
Եվս 4 մարդ հոսպիտալացվել է, մեկ մարդ գտնվում է ծայրահեղ ծանր վիճակում, երկուսին բուժօգնություն է ցուցաբերվել դեպքի վայրում։ Ավելի վաղ Fox31-ը հայտնում էր առնվազն 5 վիրավորի մասին։
Լրատվականը տեղեկացնում է, որ Ինդիանոպոլիսի օդանավակայանի անմիջական մոտերքում գտնվող FedEx փոստային ընկերության պահեստների ավտոկայանատեղիում առաջին կրակոցները հնչել են տեղի ժամանակով ժամը 23։15-ին։ Ինչպես պատմել են տուժածները, հարձակվողը կրակ է բացել մեքենաների վրա՝ արձակելով առնվազն 10 կրակոց։ Այնուհետև վերջինս թաքնվել է շենքի ներսում, սակայն երբ իրավապահները փորձել են նրա հետ բանակցել, վերջինս ինքնասպան է եղել։
Տաթև Ֆռանգյան
