27.04.2026 | 18:25
Պուտինն Արաղչիի հետ հանդիպմանը հայտնել է, որ անցյալ շաբաթ ուղերձ է ստացել Իրանի գերագույն առաջնորդից
Մոսկվան պատասխան պատժամիջոցներ է մշակում ԱՄՆ-ի դեմ․ դեսպանը կանչվել է երկրի ԱԳՆ
Քաղաքականություն
15.04.2021 | 20:38
Մոսկվան առաջիկայում կտեղեկացնի նոր ամերիկյան պատժամիջոցներին իր պատասխանի մասին, այս պահին դրանք մշակվում են։ Այս մասին այսօր կայացած ճեպազրույցի ժամանակ հայտարարել է ՌԴ ԱԳՆ խոսնակ Մարիա Զախարովան, գրում է ՏԱՍՍ-ը։
«Մեր պատասխանն անխուսափելի է, այն կմշակվի։ Կարծում եմ՝ դուք կիմանաք դրա մասին մոտ ժամանակներում։ Մեր փորձագետներն այժմ զբաղվում են դրա նախապատրաստմամբ»,- նշել է նա։
Զախարովան նաև տեղեկացրել է, որ ՌԴ-ում ԱՄՆ դեսպան Ջոն Սալիվանը կանչվել է ԱԳՆ։
«Կարծում եմ, որ այս պահին Ռուսաստանում Ամերիկայի դեսպանը գտնվում է մեր երկրի ԱԳ նախարարությունում: Դժվար թե ես դա ասեի ավելի վաղ, բայց հիմա կասեմ՝ հանդիպումը նրա համար հաճելի չի լինի»,- հավելել է Զախարովան։
Տաթև Ֆռանգյան
