30.06.2026 | 16:15
Կրեմլը խոստովանել է, որ ՌԴ-ն բանակցություններ է վարում նավթամթերքի ներմուծման հարցով
Մեթյու Բրայզան ու օտարերկրացի այլ փորձագետներ շրջել են Բաքվի «ավարների պուրակում», լուսանկարվել հայ զինվորների «մանեկենների» հետ
Քաղաքականություն
15.04.2021 | 15:46
Ադրբեջանում օրերս կայացած «Նոր հայացք Հարավային Կովկասին․ զարգացում ու համագործակցություն հետկոնֆիլիկտային փուլում» կոնֆերանսի մասնակիցներն այցեյել են նաև Բաքվի, այսպես կոչված, «Ավարների պուրակ»։
Տեղական լրատվամիջոցների հաղորդմամբ՝ 15 երկրից 27 պատվիրակներ են այցելել այնտեղ։ Տարածվող լուսանկարներից երևում է, որ նրանք շրջում են պուրակում, քայլում պատերազմում զոհված հայ զինվորների սաղավարտների միջով, լուսանկարում հայ զինվորների կերպարներն արտացոլող մանեկեններին։
Ադրբեջանական լրատվամիջոցներում հրապարակված տեղեկություններից պարզ է դառնում, որ պուրակ է այցելել նաև ԵԱՀԿ Միսկի խմբի ամերիկացի նախկին համանախագահ, Ադրբեջանում ԱՄՆ նախկին դեսպան Մեթյու Բրայզան, որին պաշտոնական Բաքուն մշտապես օգտագործում է իր քարոզչության մեջ։
Նրանից բացի այցելել են նաև վրացի լրագրող, Վրաստանի ռազմավարական հետազոտությունների կենտրոնի վերլուծաբան Գեորգի Գվիմրաձեն, ուկրաինացի փորձագետ «Կիև-Մոգիլայի ակադեմիա» ազգային համալսարանի պրոֆեսոր Տարաս Կուզոն, ռումինացի արտաքին քաղաքական վերլուծաբան ու նախագահի նախկին խորհրդական Իուլիան Չիֆուն, իտալացի հետազոտող Կառլո Ֆրապպին նաև այլ հյուրեր։ Նրանց թվում եղել են նաև փորձագետներ Թուրքիայից ու Պակիստանից։
Էմմա Չոբանյան
