Վրաստանում թուրքական ընկերության դեմ բողոքի ցույցերը չեն հանդարտվում նույնիսկ գիշերը․ միջամտել է անգամ պատրիարքարանը

Վրաստանոււմ չեն դադարում թուրքական ընկերության կողմից հիդրոէլեկտրակայանի կառուցման դեմ բողոքի ցույցերը։ Բնակիչները մասնավորապես դեմ եմ թուրքական ընկերությանը հողատարածքն 99 տարի ժամկետով հատկացնելուն։

Այսպես՝ «Նամախվանի» հիդրոէլեկտրակայանի կասկադի կառուցման դեմ բողոքի ցույցերը չեն հանդարտվում նույնիսկ գիշերը. գրում է Sputnik Georgia-ն:

«Նամախվանի» ՀԷԿ-ի կասկադը պետք է միմյանց միացնի Ռիոնի գետի վրա կառուցված երկու հիդրոէլեկտրակայանները ` 333 ՄՎտ հզորությամբ «Քվեմո Նամախվանին» և 100 ՄՎտ հզորությամբ «Դեմո Նամախվանին»:

Չնայած Վրաստանի էներգետիկ անկախության համար նախագծի մեծ կարևորությանը, ՀԷԿ-երի կառուցման դեմ բողոքի ցույցերը գնալով մեծ թափ են հավաքում: Վեց ամիս առաջ մեկնարկած ցույցերն օր օրի ավելի ու ավելի մասշտաբային են դառնում: Բողոքի ցույցերի երկու պատճառ կա. առաջինը՝ հավանական սպառնալիքն է Իմերեթիի ամբողջ տարածաշրջանի համար ապագա ամբարտակի հնարավոր ճեղքման դեպքում, երկրորդը ՝ թուրքական ընկերության ներկայությունը Վրաստանում, և որ ամենակարևորն է ՝ հողատարածքն 99 տարի ժամկետով թուրքական ընկերությանը փոխանցելու համար:

Մինչդեռ, ինչպես պարզվել է, նորվեգացի ներդրող Clean Energy Group- ը, որը պատվիրել է թուրքական ENKA ընկերության շինարարությունը, Հիդրոէլեկտրակայանի կառուցման հողամասի համար վճարել է 34 միլիոն լարի: Շինհրապարակների մերձակայքում բնակվող 270 ընտանիքներից ոչ մեկը չի հրաժարվել գումարից:

Տաթև Ֆռանգյան