19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
Չավուշօղլուն հայտարարել է, որ ԱՄՆ-ը չեղարկել է իր ռազմանավերի մուտքը Սև ծով
Քաղաքականություն
15.04.2021 | 15:49
Թուրքիայի ԱԳՆ ղեկավար Մևլյութ Չավուշօղլուն հայտարարել է, որ ԱՄՆ-ը չեղարկել է իր ռազմանավերի մուտքը Սև ծով։
Անկարայում ԱՄՆ դեսպանությունից տեղեկացրել են Թուրքիային, որ Բոսֆորով երկու ամերիկյան ռազմանավերի անցումը չեղարկվում է։
«Մեզ բանավոր ասվել է, որ նավերի անցումը չեղարկվում է։ Սակայն եթե նրանք փոխեն իրենց որոշումը, դեռևս 3 օր ունեն, որպեսզի օգտագործեն նախորդ ծանուցումն ու ուղարկեն իրենց նավերը․ ծանուցումը դեռ կգործի։ Եթե 3 օր անց նավերը չանցնեն, ապա նրանք ստիպված կլինեն ենթադրյալ անցումից 15 օր առաջ կրկին ծանուցում ուղարկել»,- ասել է Չավուշօղլուն թուրքական NTV-ին։
Նրա խոսքով՝ վերջին շրջանում ԱՄՆ-ը 14 ծանուցում է ուղարկել Սև ծով իր նավերի անցման մասին, դրանցից 5-ը չեղարկել է։
Տաթև Ֆռանգյան
