11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
ԱՄՆ Մինեսոտա նահանգում 4-րդ գիշերն է շարունակվում են բողոքի ցույցերը․ ոստիկանները ստիպված են եղել ուժ կիրառել
Քաղաքականություն
15.04.2021 | 10:52
ԱՄՆ Մինեսոտա նահանգի Բրուքլին Սենթր քաղաքում աֆրոամերիկացի Դանթե Ռայթի մահվանից հետո արդեն 4-րդ գիշերն է շարունակվում են բողոքի ցույցերը։ CNN հեռուստաալիքի հաղորդմամբ՝ որոշ ցուցարարներ իրենց ագրեսիվ են պահում, իշխանությունները կոչ են անում բողոքի ցույցի մասնակիցներին ցրվել, իսկ ոստիկանությունը կրկին ստիպված է եղել ուժ կիրառել։
Արդեն 3-րդ գիշերն է Բրուքլին Սենթրում պարետային ժամ է հայտարարված։ Ինչպես և նախորդ օրերին, մարդկանց մեծ թվով կուտակումներ կան քաղաքի ոստիկանական տեղամասի մոտերքում։ Ցուցարարները փորձել են անցնել ոստիկանության տեղամասի շուրջբոլորը տեղադրված արգելապատնեշները։ Որոշ ցուցարարներ ոստիկանների ուղղությամբ տարբեր առարկաներ են նետել, ինչպես նաև ճայթռուկներ պայթեցրել։ Իրավապահ մարմինների աշխատակիցները ստիպված են եղել արցունքաբեր գազ, լուսաձայնային նռնակներ ու ռետինե փամփուշտներ կիրառել։
Տեղեկացվում է, որ ընդհանուր առմամբ բողոքի ցույցերին մասնակցում է մի քանի հարյուր մարդ։ Տեղի իշխանությունները նախօրոք նախազգուշացրել են ցուցարարներին, որ ոստիկանությունը կձերբակալի ցուցարարներին, որոնք չեն ենթարկվի պարետային ժամից հետո ցրվելու պահանջներին։ Անցյալ գիշեր քաղաքում ձերբակալվել էր ավելի քան 60 մարդ։
Տաթև Ֆռանգյան
