Ալիևը պարտվածի բարդույթներ ունի․ Բաքվի՝ ավարի այգին հակամարդկային է․ Ռուբեն Բաբայան. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Factor TV-ն զրուցել է ռեժիսոր, Տիկնիկային թատրոնի գեղարվեստական ղեկավար Ռուբեն Բաբայանի հետ

–Պարո՛ն Բաբայան, Ալիևը սպանված հայ զինվորականների ֆիգուրներով, զինտեխնիկայով այգի է բացել Բաքվում։ Դա, ինչպես և գերիներին չվերադարձնելը հայերիս ցավ պատճառելու նպատակ ունի։ Ալիևի վարքն ինչի՞ մասին է վկայում այս ցուցադրությունը։

-Հակամարդկային էր․ դա բազմաթիվ բարդույթների արդյունք է, որոնց մեջ երկար տարիներ գտնվել է Իլհամ Ալիևը՝ պարտվածի, չհասկացվածի, ոչ ինքնուրույն որոշում կայացնողի։ Եվ իրականում, սա հաղթողի դրսևորում չի։ Կարծում եմ՝ ինքն էլ է գիտակցում, որ հաղթանակ ու պարտություն հասկացողություններն այդքան էլ միանշանակ չեն այսօրվա կարգավիճակով։ Վերջիվերջո, նա այսօրվա վիճակում ոչ թե Հայաստանի հետ գործ ունի, այլ Թուրքիայի և Ռուսաստանի և շատ բան կախված է, թե այդ երկրներն ինչպես կորոշեն իր երկրի ապագան, ինչը միշտ չէ, որ բխելու է այդ երկրի շահերից։ Համենայնդեպս, այն ջղային արտահայտությունները, որ նա և իր անմիջական ղեկավարները անում են, արարքներն ուղղված են Հայաստանի բնակչության մեջ վախ սերմանելուն։ Ոչմեկի համար գաղտնիք չէ, որ ցավոք սրտի՝ այդ երեք երկրներն էլ, որոնք այսօր ամենամեծ չափով են զբաղված Հայաստանի հետ հարաբերությունները կարգավորելով կամ ինչ-որ ձևով այն դասավորելով, նկատի ունեմ՝ Թուրքիան, Ադրբեջանը և Ռուսաստանը․․․ որևէ երկրի համար ուժեղ, անկախ, ինքնիշխան Հայաստանի Հանրապետությունը կյանքի երազանքը չէ։

–Հայաստանին ցավ պատճառելը, մեր հասարակությանը տարատեսակ մեթոդներով վախեցնելը միգուցե նպատա՞կ ունի հնարավոր ռևանշի տրամադրությունները ճնշել։ «Հաղթողներին չեն դատում» խոսքը տեղի՞ն է օգտագործել այս պարագայում։

-Միշտ էլ դատում են և դատել պետք է կոնկրետ խոսքերի և գործերի համար, այլ ոչ թե միայն հաճույքի համար։ Դուք ասեցիք՝ «որպեսզի խուսափեն ռևանշից»․․․ կարծում եմ՝ ոչ, կարծում եմ՝ լրիվ հակառակն է, ինչքան ավելի շատ են նման գործողությունները, այնքան ավելի շատ է համոզմունքը գալիս, որ պետք է գնալ ռևանշի։ Ռևանշի չեն դիմում, երբ որ համարում են պատերազմն ավարտված և փորձում են կարգավորել հարաբերությունները։ Երբ հաղթող կողմը, այս պարագայում՝ Ադրբեջանը, փորձում է շարունակել պատերազմը տարբեր հարթություններում, ցավ պատճառելով, վիրավորելով, ռազմագերիների հարցը խաղաքարտ դարձնելով․․․ ընդ որում՝ կարծում եմ շատ մեծ խաղաքարտ, որը, իրենք հասկանում են՝ ազդում է նաև Հայաստանի ներքին կյանքի վրա, այս պարագայում ռևանշի ձգտողների քանակն ավելանում է։ Մարդիկ հարց են տալիս, դե եթե այս երկիրը, որ հաղթող է, խաղաղություն չի ուզում և չի բավարարվում իր հաղթանակով, ուրեմն՝ իր հետ խոսելու միակ լեզուն զենքով է։

Մանրամասները՝ տեսանյութում։

Ռոբերտ Անանյան