14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մինսկը կարող է կարևոր դերակատարություն ունենալ Հայաստանի ու Ադրբեջանի միջև կապ հաստատելու հարցում․ Ալիև
Քաղաքականություն
14.04.2021 | 17:30
Մինսկը կարող է կարևոր դերակատարություն ունենալ Հայաստանի ու Ադրբեջանի միջև կապ հաստատելու հարցում։ Նման հայտարարությամբ է հանդես եկել Ադրբեջանի նախագահ Իլհամ Ալիևը Ալեքսանդր Լուկաշենկոյի հետ հանդիպմանը, գրում է բելառուսական «ԲԵԼՏԱ»-ն։
«Բելառուսը որպես ՀՀ գործընկեր, երկիր, որը նրա հետ հանդիսանում է ԵՏՄ ու ՀԱՊԿ անդամ և որպես Ադրբեջանին մտերիմ ընկեր հանդիսացող երկիր, կարող է կարևոր դերակատարություն ունենալ Հայաստանի ու Ադրբեջանի միջև կապ հաստատելու հարցում»,- Ալիևի խոսքերն է մեջբերում լրատվականը։
Ալիևը նաև հայտարարել է, թե Բաքուն մտադիր է Երևանի հետ հարաբերություններում ամրապնդել վստահության միջոցները:
Լուկաշենկոն, իր հերթին, վստահություն է հայտնել, որ Լեռնային Ղարաբաղի շուրջ եռակողմ հրադադարի մասին հայտարարությունը կդառնա տարածաշրջանում կայուն խաղաղության հիմք:
Հիշեցնենք, որ Լուկաշենկոն ապրիլի 13-ին մեկնել է Ադրբեջան:
Տաթև Ֆռանգյան
