10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
ԵՊՀ-ում խոր ճգնաժամ է, երկու տարի է՝ համալսարանը ռեկտոր չունի․ ԵՊՀ հոգաբարձուների խորհրդի անդամ. ՏԵՍԱՆՅՈՒԹ
Հասարակություն
14.04.2021 | 14:14
Ակնհայտ է, որ սա կազմակերպված է կառավարության և լիազոր մարմնի կողմից։ Հետաքրքիր զուգադիպությամբ՝ ԵՊՀ հոգաբարձուների խորհրդի անդամներից 11-ը ապրիլի 8-ին են դիմում գրել, այնուհետև՝ երեքը՝ ապրիլի 9-ին, իսկ մեկը՝ երեկ։ Այս մասին այսօր լրագրողների հետ զրույցում նշեց ԵՊՀ հոգաբարձուների խորհրդի անդամ Կառլեն Խաչատրյանը։
«Դիմումներում բացառապես ՀԲԸՄ նախագահ պարոն Յակուբյանն է պատճառաբանություն նշել, մնացած 14-ը՝ միայն մեկ տողով դիմում են ներկայացրել, որ պնդում են դադարեցնել իրենց լիազորությունները հոգաբարձուների խորհրդում։ Պատճառաբանություն, ըստ էության, չկա։ Այդ դիմումները խորուրդ են հասել ԿԳՄՍ նախարարի խորհրդականի էլեկտրոնային փոստից, ինչը ևս մեկ անգամ ապացուցում է այս պրոցեսի կազմակերպված լինելը»,- նշեց Կառլեն Խաչատրյանը։
Նրա խոսքով՝ համալսարանի կանոնադրությունը հստակ ֆիքսում է, որ եթե խորհդրդի 16 անդամ, այսինքն՝ 50%-ը, հրաժարականի դիմում է ներկայացնում, ապա խորհրդի լիազորությունները դադարեցվում են։
«Բարեբախտաբար, կարող ենք նշել, որ իշխանություններն իրենց ուզածին չեն հասել, խորհրդի նիստը մեկնարկեց։ Սակայն, ԵՊՀ-ն խորը ճգնաժամի մեջ է, երկու տարի է՝ ռեկտոր չունի։ Մի փոքր կազուսային իրավիճակ է ստեղծվել, որոշակի բարդություններ կան, բայց, կարող եմ վստահեցնել, որ հաստատակամ ենք և այս պրոցեսն առաջ ենք տանելու, չենք թողելու, որ համալսարանը քանդվի»,- ասաց ԵՊՀ հոգաբարձուների խորհրդի անդամը։
Կառլեն Խաչատրյանը հավելեց, որ ըստ ընթացակարգի՝ ռեկտորի ընտրության օրը մոտ 1-2 ամսվա ընթացքում է լինելու։ «Ըստ էության՝ այդ ընթացքում խորհուրդը կհամալրվի։ Եթե չհամալրվի, միակ խնդիրը, որ կարող է առաջանալ, այն է, որ խորհրդի բոլոր 17 անդամներն էլ նույն անձին քվեարկեն և այդպիսով ընտրությունը չկայանա»,- եզրափակեց Խաչատրյանը։
Մանրամասները՝ տեսանյութում։
Նելլի Մելքոնյան
