09.06.2026 | 00:17
Մարկո Ռուբիոն շնորհավորել է Փաշինյանին
Մենք ունենք փայլուն հարաբերություններ, և ես դրանով հպարտ եմ․ Լուկաշենկոն հանդիպել է Ալիևին
Քաղաքականություն
14.04.2021 | 13:21
Ադրբեջանի ու Բելառուսի հարաբերություններին չի կարող խանգարել ոչ մի համավարակ։ Այս մասին հայտարարել է Բելառուսի նախագահ Ալեքսանդր Լուկաշենկոն՝ Ադրբեջանի նախագահ Իլհամ Ալիևի հետ հանդիպմանը։ Հաղորդում է Բելտա գործակալությունը։
«Միգուցե, մեր հանդիպումը ինչ-որ առումով պաթետիկ կհնչի այս բոլոր իրադարձությունների՝ համավարակի ու մյուսների ֆոնին։ Բայց իրական ընկերները չեն հետաձգում այն միջոցառումները, որոնք պիտի ժամանակին արվեն։ Դրան չի կարող ոչ մի համավարակ խանգարել»,- հայտարարել է Ալեքսանդր Լուկաշենկոն։
Նա նաև նշել է, որ երկու երկրները դիվերսիֆիկացրել են իրենց հարաբերությունները քաղաքականության ու տնտեսության մեջ ու ոչնչով չեն ծանրաբեռնվում։
«Մենք ոչ մեկին չենք խանգարում, և մեզ էլ ոչ մեկը չի փորձում խանգարել։ Դրա համար, եթե ուզում ես ինչ-որ բան անել, դրան դժվար է խանգարել։ Ինչ վերաբերում է քաղաքական հարաբերություններին, դժվար է ասել, ինչն է պակասում։ Մենք ունենք փայլուն հարաբերություններ, և ես դրանով հպարտ եմ։ Մենք վերականգնել ենք ամենաջերմ հարաբերությունները Սովետական Միությունից ի վեր՝ բոլոր ոլորտներում»,- ասել է Լուկաշենկոն։
Նա նաև ասել է, որ Բելառուսի ու Ադրբեջանի միջև առևտրաշրջանառությունը հասել է կես միլիարդ դոլարի, որը լավ արդյունք է։
Նշենք, որ Լուկաշենկոն նախօրեին է ժամանել Բաքու, որտեղ կայացել է Լուկաշենկոյի ու Ալիևի ոչ պաշտոնական հանդիպումը։ Այն տևել է շուրջ 5 ժամ։
Էմմա Չոբանյան
