09.06.2026 | 00:17
Մարկո Ռուբիոն շնորհավորել է Փաշինյանին
ԵՄ-ն ընդլայնում է Թուրքիայի դեմ պատժամիջոցները
Քաղաքականություն
14.04.2021 | 15:55
ԵՄ անդամ երկրների ղեկավարները պայմանավորվել են ընդլայնել Թուրքիայի դեմ պատժամիջոցները: Պատժամիջոցները սահմանվում են Արևելյան Միջերկրական ծովի վիճահարույց տարածքներում Թուրքիայի հետախուզական աշխատանքների պատճառով: Բրյուսելը տարածաշրջանում Անկարայի գործողությունները հերթական անգամ սադրանք է անվանել, գրում է «Կոմերսանտը»:
«ԵՄ-ն հավատարիմ է մնում միության և դրա անդամ պետությունների շահերը պաշտպանելուն, ինչպես նաև տարածաշրջանային կայունության պահպանմանը: Այս կապակցությամբ գագաթնաժողովը հանձնարարում է ԵՄ Խորհրդին ընդունել լրացուցիչ սև ցուցակ՝ 2019 թ. նոյեմբերի 11-ի որոշման հիման վրա, որոնք վերաբերում են Միջերկրական ծովում Թուրքիայի ապօրինի գործունեությանը », – ասված է ԵՄ գագաթնաժողովից հետո կազմված հայտարարության մեջ:
Իսկ թե ովեր են ընդգրկվելու պատժամիջոցների ընդլայնված ցուցակում, չի նշվում: Այժմ եվրոպական սև ցուցակում են գտնվում Թուրքիայի պետական նավթային ընկերության՝ TPAO- ի երկու գլխավոր մենեջերները:
ԵՄ առաջնորդները նաև հանձնարարել են ԵՄ արտաքին գործերի և անվտանգության քաղաքականության հարցերով բարձր հանձնակատար Ջոզեպ Բորելին և Եվրահանձնաժողովին ոչ ուշ, քան 2021 թ. մարտ ամիսը զեկույց պատրաստել ԵՄ-ի և Թուրքիայի միջև քաղաքական, տնտեսական և առևտրային հարաբերությունների իրավիճակի, ինչպես նաև հետագա գործողությունների տարբերակների ու գործիքակազմի վերաբերյալ:
Տաթև Ֆռանգյան
