09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Իշխանությունը արհեստականորեն արգելակում է մայր բուհում ռեկտորի ընտրությունը․ Աննա Կոստանյան. ՏԵՍԱՆՅՈՒԹ
Հասարակություն
13.04.2021 | 17:43
ՀՀ Ազգային ժողովի «Լուսավոր Հայաստան» խմբակցության անդամ Աննա Կոստանյանն իշխանության կողմից արհեստական արգելակում է նկատում Երևանի պետական համալսարանի ռեկտորի ընտրության գործընթացում: Այս մասին Կոստանյանն ասաց խորհրդարանի ապրիլի 13-ի նիստի ընթացքում, անդրադառնալով ԵՊՀ հոգաբարձուների խորհրդի 11 անդամների հրաժարականի դիմումներին:
«Հոգաբարձուների խորհրդի 11 անդամները մեկ օրվա մեջ նույն բովանդակությամբ դիմումներ են գրել վարչապետին՝ ազատվելու խորհրդի անդամությունից, ընդ որում առանց որևէ հոդաբաշխ պատճառ նշելու: Սա խոսում է այն մասին, որ բուհերի ինքնավարությունը այսօր շատ տխուր վիճակում է: Այս 11 անձիք հստակ հրահանգվելով դուրս են եկել ԵՊՀ հոգաբարձուների խորհրդի կազմից, և նրանց շարքերում փոխնախարարներ և այլ բարձրաստիճան պաշտոնյաներ»,- ասաց Կոստանյանը:
Պատգամավորը նշեց, որ իշխանությունը այսպես արհեստականորեն արգելակում է մայր բուհում ռեկտորի ընտրությունը՝ սպասելով Բարձրագույն կրթության և գիտության օրենքի ընդունմանը:
Մանրամասները՝ տեսանյութում:
