09.06.2026 | 10:49
Ռումինիայի նախագահը շնորհավորել է Նիկոլ Փաշինյանին ընտրություններում հաղթանակի առիթով
Վրաստանում մեկնարկել են ընդդիմադիր Մելիայի գործով լսումները․ նրան կարող են ազատ արձակել հենց դատարանի դահլիճից
Քաղաքականություն
13.04.2021 | 18:30
Թբիլիսիի քաղաքային դատարանում մեկնարկել է Վրաստանի գլխավոր ընդդիմադիր «Միասնական ազգային շարժում» կուսակցության ղեկավար Նիկա Մելիայի գործով դատավարությունը՝ նրա կողմնակիցների բողոքի ցույցերի ֆոնին, գրում է Sputnik-Georgia-ն:
Դատավորը բավարարել է փաստաբանների միջնորդությունն ու թույլ է տվելի Մելիային ներկա գտնվել այսօրվա դատավարությանը։
Մելիայի գործով լսումները պետք է տեղի ունենային ապրիլի 8-ին, սակայն հետաձգվել էին մի քանի օրով դատապարտյալի խնդրանքով, որն անձամբ ցանկանում էր ներկա գտնվել լսումներին։
Ակնկալվում է, որ դատարանն այսօր կվերանայի Մելիայի խափանման միջոցը։ Ինչպես լրագրողներին հայտնել է նրա փաստաբան Գեորգի Կոնդախաշվիլին, մեծ է հավանակությունը, որ իր պաշտպանյալին ազատ կարձակեն հենց դատարանի դահլիճից։
Հիշեցնենք՝ «Միասնական ազգային շարժման» առաջնորդ Նիկա Մելիան մեղադրվում է խմբային բռնություն կազմակերպելու համար 2019 թվականի հունիսի 21-ի գիշերը տեղի ունեցած իրադարձությունների ժամանակ, երբ ցուցարարները փորձեցին գրոհել խորհրդարանի շենք: Նա կալանավորվել էր այս տարվա փետրվարի 23-ին `գրավի վճարումը մերժելուց հետո:
Տաթև Ֆռանգյան
