11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Բելառուսում ձերբակալել են ընդդիմադիր կուսակցության ղեկավար Գրիգորի Կոստուսյովին
Քաղաքականություն
13.04.2021 | 16:45
Բելառուսում ձերբակալել են ընդդիմադիր «Բելառուսական ազգային ճակատ» կոուսակցության ղեկավար Գրիգորի Կոստուսյովին։ Այս մասին հայտնել են կուսակցությունից։ Քաղաքական գործիչը գտնվում է Մինսկի Պետական անվտանգության կոմիտեի քրեական մեկուսարանում, գրում է DW-ի ռուսական ծառայությունը։
Բելառուսում ավելի քան 8 ամիս է չեն դադարում զանգվածային բողոքի ցույցերն ընդդեմ օգոստոսի 9-ին տեղի ունեցած նախագահական ընտրությունների կեղծմանը, որոնց արդյունքներով ԿԸՀ կրկին հաղթող է ճանաչել Ալեքսանդր Լուկաշենկոյին։ Ցուցարարները մեղադրում են իշխանություններին կեղծումների մեջ ու պահանջում են նոր, արդար ընտրությունների անցկացում ու բոլոր քաղբանտարկյալների ազատ արձակում, ինչպես նաև ցուցարարների հանդեպ ուժայինների կողմից բռնության դադարեցում։
Բողոքի ցույցերի ընթացքում տուժել ու ձերբակալվել են հազարավոր մարդիկ, այդ թվում նաև տասնյակ լրագրողներ։ Մի քանի մարդ զոհվել է։ Նկատենք, որ վերջին շրջանում բողոքի ցույցերը տեղային բնույթ են կրում։
Տաթև Ֆռանգյան
