24.04.2026 | 19:17
Ըմբշամարտի ԵԱ. Թևանյանը և Խնձրցյանը կգոտեմարտեն բրոնզե մեդալի համար
Ալիևը հայտարարել է՝ Հայաստանի հետ սահմանին Ադրբեջանը ռազմական պլաններ չունի
Քաղաքականություն
13.04.2021 | 13:07
Ադրբեջանի նախագահ Իլհամ Ալիևը ADA համալսարանում ելույթ ունենալիս հայտարարել է, որ Բաքուն որևէ ռազմական պլան չունի Հայաստանի հետ սահմանին։
«Դուք հարցրիք՝ ինչ կլինի, երբ տարածաշրջանը լքի ռուսական խաղաղապահ զորակազմը։ Մենք սահման ունենք Հայաստանի հետ Թովուզում, Ղազախում։ Մեր սահմանապահները կանգնած են Զանգելանում՝ հայկական կողմի հարևանությամբ։ Միջադեպեր կա՞ն։ Ոչ։ Մեր զորքերը կանգնած են 5 մետր հեռավորության վրա, բայց մենք չունենք որևէ ռազմական պլան»,-ասել է Ալիևը։
Բացի այդ, նա ևս մեկ անգամ դժգոհել է, որ Ռուսաստանի հետ նախատեսվում է հայկական բանակի արդիականացում, որը, ըստ նրա, հարցեր է առաջացնում։ «Մենք մեր տեսակետը ռուս գործընկերներին փոխանցել ենք։ Ինչի՞ համար է դա արվում։ Ռևանշի ցանկացած ծրագիր խոստորեն կճնշվի»,- ասել է Ալիևը։
Էմմա Չոբանյան
