17.12.2025 | 23:03
Պուտինը հայտարարել է «պատմական հողերը» ռազմական ճանապարհով գրավելու իր մտադրության մասին
Անկարայի դատարանն ազատ է արձակել Մոնտրոյի կոնվենցիայի պահպանման կողմնակից 14 նախկին ծովակալների
Քաղաքականություն
13.04.2021 | 15:00
Անկարայի դատարանը չհեռանալու մասին ստորագրությամբ ազատ է արձակել 14 նախկին ծովակալների, որոնք ձերբակալվել էին ի պաշտպանություն Մոնտրոյի կոնվենցիայի և հանրապետության սահմանադրության փոփոխության դեմ նամակի հրապարակումից հետո, հայտնում է թուրքական CNN Türk-ը:
Ծովակալները շարունակում են մնալ, որպես Անկարայի գլխավոր դատախազության կողմից հարուցված քրեական գործով անցնող անձինք։ Նրանց արգելվել է լքել Անկարայի սահմաններն ու արտերկիր մեկնել։ Իշխանությունները խնդրել են դատարանին կալանքի տակ թողնել կասկածյալներից մեկին՝ նախկին ծովակալ Էրդուն Մենգիին, որը մեղադրվում է սահմանադրական կարգը տապալելու նպատակով հանցավոր համաձայնության գալու համար։ Սակայն դատարանը, այնուամենայնիվ, նրան չհեռանալու մասին ստորագրությամբ ազատ է արձակել։
Հիշեցնենք՝ ապրիլի 4-ին սոցկայքերում 104 թուրք նախկին ծովակալների ուղերձն էր հայտնվել, որում նրանք իրենց անհանգստությունն էին հայտնում Բոսֆորի նեղուցին զուգահետ «Ստամբուլի» նեղուցի ստեղծման ու Մոնտրոյի կոնվենցիայի միջազգային պայմանագրերը չեղյալ հայտարարելու սպառնալիքի պատճառով։
Տաթև Ֆռանգյան
