18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Արքայազն Հարին ժամանել է Մեծ Բրիտանիա ՝ պապի հուղարկավորությանը մասնակցելու․ Daily Mail
Քաղաքականություն
12.04.2021 | 15:30
Արքայազն Հարին ժամանել է Մեծ Բրիտանիա ՝ իր պապի ՝ արքայազն Ֆիլիպի հուղարկավորությանը մասնակցելու համար: ԱՄՆ-ում բնակվող Սասեքսի դուքսը իր կնոջ՝ Մեգան Մարքլի հետ իր տված սկանդալային հարցազրույցից հետո վերադարձել է հայրենիք։ Սա Հարիի առաջին այցն է Մեծ Բրիտանիա ՝ սկսած 2020 թվականի մարտից, երբ նա կնոջ և որդու հետ մեկնել է Կանադա:
Daily Mail-ի փոխանցմամբ՝ նա Լոնդոն է ժամանել Լոս Անջելեսից շաբաթ երեկոյան՝ ապրիլի 10-ին։ Ժամանելուն պես նաև ուղևորվել է Նոթինգհեմի քոթեջ, քանի որ Վինձորի ամրոցում իրեն հատկացված քոթեջը, որտեղ նա ապրել է մինչ թագավորական պարտավորություններից հրաժարվելը, փոխանցել են Եվգենիա արքայադստերն ու նրա ամուսնուն՝ Ջեք Բրուքսբենկին։ Զույգը վերջերս երեխա է ունեցել։
Բրիտանացի լրագրողները կարծում են, որ հուղարկավորության ժամանումը Հարի համար լավ հնարավորություն է հաշտվել հարազատների հետ իր կնոջ սկանդալային հայտարարություններից հետո։ Մասնավորապես վերջինս Բրիտանիայի թագավորական ընտանիքին մեղադրել է ռասիզմի մեջ ու հայտնել, որ իր ամուսնու հարազատները նրան գրեթե հասցրել էին ինքնասպանության։
Հիշեցնենք՝ արքայազն Ֆիլիպը մահացել էր ապրիլի 9-ին։ 2 ամիս անց նա պետք է դառնար 100 տարեկան։ Հուղարկավորությունը նշանակված է ապրիլի 17-ին։
Տաթև Ֆռանգյան
