27.04.2026 | 23:12
Չեխիան Ադրբեջանին նոր մարտական ուսումնական ինքնաթիռ է առաջարկում
Իրանը խոստացել է վրեժ լուծել Իսրայելից
Քաղաքականություն
12.04.2021 | 15:03
Իրանի արտգործնախարարի մամուլի խոսնակ Սաիդ Խաթիբզադեն զգուշացրել է սիոնիստական ռեժիմին, որ Իրանը ճիշտ ժամանակին ու ճիշտ տեղում վրեժ կլուծի կիրակի օրը իրականացված «միջուկային ահաբեկչության» համար, գրում է Tasnim News Agency-ն։
«Իրանի պատասխանը կլինի վրեժ լուծելը սիոնիստական ռեժիմից ճիշտ ժամանակին և ճիշտ տեղում», – շեշտել է նա:
Ամենշաբաթյա ճեպազրույցի ժամանակ ելույթ ունենալով ՝ Խաթիբզադեն դատապարտել է Իրանի Նաթանզ քաղաքում իրականացված պայթյունը ՝ այն անվանելով որպես «մարդկության դեմ ուղղված հանցագործություն»:
Վերջինս հավելել է, որ տեղեկություններ կան, որ պայթյունի հետևում կանգնած է սիոնիստական ռեժիմը։
Հիշեցնենք՝ Իրանի «Ատոմային էներգիա» կազմակերպությունից կիրակի առավոտյան հայտնել էին, որ Նաթանզի միջուկային կառույցում վթար է տեղի ունեցել: Ավելի ուշ երկրի փոխնախագահ Ալի Աքբար Սալեհին հայտնել էր, որ միջադեպը «միջուկային ահաբեկչության» դրսևորում է:
Տաթև Ֆռանգյան
